想玩膽機...!

labbylo

想玩膽機, 不過唔知如何選擇?

係睇用咩膽?

有咩叫做好既膽呢?

有咩分別?

部機係多膽就會好聲d?

多多指教!

Tomy

咩筆值呢？        
聽咩類型音樂多？

labbylo

Tomy 發表於 2013-2-7 18:16
咩筆值呢？        
聽咩類型音樂多？

一萬樓下...試試玩先!
人聲, 結他!

不過我想知其實係點分呢. 有咩特性.

係咪選擇膽先?

patkwok

樓主用緊咩喇叭?

labbylo

patkwok 發表於 2013-2-7 19:47
樓主用緊咩喇叭?

B&W, 要夾喇叭???

sealteam4

要睇喇叭，因為如果你對喇叭是細食，唔駛太大力就能推動的話，選擇上就可以選細膽機或功率細的如300B 等膽機
但還看你看好那一種聲音
要先看你聽音樂的類型，先定預算睇清晰自己目標有助更易入門，費時你了解左西電的膽機又試聽又剩搞完一輪先發覺原來咁q貴同燒錢
或不幸一入門就比人毒:揸的士" 或AUDIONOTE 國都 ，咁就煩啦

先上網了解，再去幾個地方賣膽之地試聽下選擇下先

用咩膽是一個分類，另外有分 推挽同單端膽機
即推挽是好多支後級膽一場合作出力推動 如kt88 el34等細膽多數用推挽方式運作設計為主
   單端即由一支 (通常左右聲道分開各一支)後級膽去推動 通常單端d膽就大支大力D但一支支推動力就轉細聲音幼細D

邊種好其實各有優劣各有好處，睇用料同設計姐
此外音樂類型都會影響你選擇，因為聽開古典樂的老友好少會用單端300B 或 2a3膽機聽古典爆棚 (例子不是沒有，我指通常)

Tomy

膽=真空管有好多類型吓......功率膽有2A3.....300B......EL34......EL84.......KT88......KT90....KT120.......

6550......6L6GC.........805.......845..........還有其他........

細膽=前級部份的放大膽有......12AX7......12AU7.........6DJ8......6SN7.........還有好多好多.......


當中新手入門同埋比較普及嘅呢三款 EL34, KT88, 300B ,比較多人玩,

300B 人聲、弦樂無得頂,聲音很細緻 <==初步嚟講,吻合到樓主嘅口味,但低頻量較少.

EL34 高、中、低頻比較平均,

KT88 低頻比較雄厚、澎湃,不過有人認為佢粗聲(我個人認為蛋機的聲粗極有個普),

不如樓主去旺角添置大厦18/F 斯巴克,6/F Sound Master,5/F 膽皇,

去試吓意音先啦,一皮嘢,有得選擇吓架.

Tomy

部機係多膽就會好聲d? <==呢個就唔知,

我覺得做個小膽的玩家會小Ｄ煩腦就真.         

Tomy

還有,樓主的B&W是甚麽型號,好讓師兄們提供意見.   

ADA

小弟以前一路都是用膽機推B&W 對DM17的, 但總是小了一點動態,
上年年尾, 因為見網上有師兄出售一對二手的 Proac clone 1SC, 而且是用上高價的鋼琴木, 所以立即就買下來.
到家後第一時間換上來試, 一開聲, 之前B&W DM17 沒有的動態立即就出現了,
之後我的DM17就放在一旁.

網上很多朋友都有談到 B&W 的喇叭不合適用膽機推, 現在我深深明白原因了.

樓主, 如果你打算用膽機推 B&W , 最好還是搜集多些資料先吧.