本地音響市場發展方向之調查

Wilmer威馬

你份卷只係問到小眾高端發燒友 o既基本消費心態，根本唔可能返影到成個音響業（高、中、低端及電器類組合音響）o既發展方向，可以支撐成個音響業 o既主流消費群一定唔係出現響各大影音論壇 o既有識之仕，就算有人叻到做哂所有影音論壇 o既生意，都只會執粒收場，所以你份問卷唔單止浪費你自己時間，亦浪費我地 o既時間。

如果你真係一個學生，你要明白消費同銷售唔一定完全掛鉤，而且。。。sorry，你太懶啦！有 d 野係要身體力行，你應該走訪各大店舖，而唔係上網等答案，唔去行、唔去睇、唔親自問，點知咩好賣？點知人流、客流？點知地區性份別？人地生意真好定假好得唔得閒蘇你？

為你著想，如果真係要「調查本地音響市場發展方向 」，而唔係消費調查，我響度勸大家反而千萬唔好幫你填問卷，費事害左你。

bei_hillgrover

上年又好似有同樣的問卷post出過. 建議要得到版主同意及核實才可出這類post.

城市大學學生

首先多謝各位對我們這些城大學生的支持!

我們希望在此回應一些朋友對這個網調的關注!

由於Hifi市場近年續步有新轉變,如CAS產品的盛行及網絡高清電影的流行,「用家對應這些新轉變在行為和期望上會如何作相應調整」，是這次網調的焦點!


至於城大網站上是找不到這項連結的,因為相關的連結是直接以電郵方式與部分舊生聯系!


再次感謝大家的支持!

城市大學學生

喜喜天使 發表於 2013-2-7 11:53
可否說清一下，城大方面好像沒此問卷

多謝閣下的支持!

城市大學學生

kenneth_obee 發表於 2013-2-7 11:19
"以作研究本地音響市場的發展方向之用"
睇唔到份問卷調查同以上嘅目的好有關係. ...

多謝閣下的支持!

obee

城市大學學生 發表於 2013-2-7 14:19
首先多謝各位對我們這些城大學生的支持!

我們希望在此回應一些朋友對這個網調的關注!

原來如此!

Hi-Fi市場繼三十年前由 CD 做成的一次破壞性創新(disruptive/destructive innovation), 以至近年由MP3,CAS做成的新一波破壞性創新。究竟, Hi-Fi 發燒友對應這些CAS、網絡、高清音樂檔的流行, 在行為和期望上會如何作相應調整?

nicknick

我信這是城市大學學生發的問卷，因為我都是城大舊生，看得出做呢類功課時有幾幼嫩，所以都好同意馬sir的意見，哈哈！
這種問卷的最大功用就係：完成功課！
如果期望真係得到目標想做到的分析，咁就唯有說聲..... sorry.....

我相信你們完成這功課後最大的得益並非是真正了解到市場與客戶的轉變，而是透過這過程學到與組員合作、處理事情時的經驗（包括之後檢討為何收集不到足夠分析的資料、如何改善，都是很好的學習。），同埋學到如何與外界溝通，例如回應對方的疑問，及即使對方的意見負面，都禮貎地回應「多謝閣下的支持!」，是我欣賞的。努力吧！

城市大學學生

Wilmer威馬 發表於 2013-2-7 13:21
你份卷只係問到小眾高端發燒友 o既基本消費心態，根本唔可能返影到成個音響業（高、中、低端及電器類組合音 ...

多謝閣下的寶貴意見!

其實在這次網調之前我們一行多人曾經在去年11和12月間的多個週未分別到旺角區不同的影音店作客人專訪,但因未得商戶同意,在此不能公開店鋪名字!

再者,在網調上可見城大的標誌, 如非城大學生的調查而引用這標誌極可能受控告!

請相信我們這群城大學生吧!

obee

nicknick 發表於 2013-2-7 14:50
我信這是城市大學學生發的問卷，因為我都是城大舊生，看得出做呢類功課時有幾幼嫩，所以都好同意馬sir的意 ...

同意, 番學唔係工廠或打工, 唔使一定有貢獻, 最緊要學到人際溝通等軟技巧. 另外, 書本嘅野讀唔讀唔緊要架, 入唔入腦都唔緊要架, 最緊要考試成績比別人好...

城市大學學生

nicknick 發表於 2013-2-7 14:50
我信這是城市大學學生發的問卷，因為我都是城大舊生，看得出做呢類功課時有幾幼嫩，所以都好同意馬sir的意 ...

多謝對我們的支持!