火海108（沖天大火災 + 美國911既crossover）影評

SonSon

由想當年＂沖天大火災＂開始，一直以來對人為既災難片有特別偏好。所以上星期上映既＂火海108＂正合我心意，未入場已有點期望，話晒有孫藝珍牚場嘛 。

全片片長兩小時，雖然入座率約三分一，還發現有一家六口韓國人進場 ，但出奇地無人出入廁所位。全片演員眾多，所以開頭約三分一時間主要交待各人性格及關係，階級對立等描寫等，下半部便開始一連串逃生救火等場面，可以講全片絕無冷場，睇完散場時亦聽到其他觀眾有不俗評價 。

綜觀全片，韓國特技水準雖然同荷里活仍有一點距離，但個人感覺已超越日本。以火災為題材，玩火特技必須要好睇，想當年＂烈火雄心＂仍然津津樂道，但可能自知水準有限，所以真正感受到火海埋身感覺未算烈焰，取而代知係用不同既玻璃或石屎爆破場面，由其玻璃天橋一幕尚算緊張，甚有睇頭 。而救火及逃生情節尚算用盡大廈設計，算係不過不失。後段有同＂沖天大火災＂一樣有炸水箱一幕，以為都係用黎救火，點知.............. 。其實救火及逃生過程同＂沖天大火災＂及美國911等似曾相識，當然作參考亦無可口非。但個人覺得最失敗是一眾演員係逃生過程中缺乏人性刻劃及描寫，流於表面，白白浪費咗開首各人出場既編排。例如開首清潔工幫議員夫人執狗屎一幕，以為逃生時兩人會再遇，點知又............ 。如果係各性格人描寫及沖突上交待多點，相信會更易令人動容 ，加上片中所謂有權勢既人都好似完好無缺，實令人費解 。最後不得不提係孫藝珍，雖然大部份時間爛身爛世，但仍保持風采依然，值得一讚 。

horace_tsang

之前有套海神號(Poseidon)都好好睇

CDR

睇完之後, 真係覺得好好睇, 正

LCPD

套戲似乎唔錯喎,可惜之前無時間睇,
請問師兄音效方面覺得點?

coolpan

好詳細既影評!

jason1969

正

SonSon

LCPD 發表於 2013-2-5 14:31
套戲似乎唔錯喎,可惜之前無時間睇,
請問師兄音效方面覺得點?

去得MCL............音效就唔好要求咁高

LCPD

SonSon 發表於 2013-2-6 12:03
去得MCL............音效就唔好要求咁高

明解!MCL又真係好一般既。

lkljason

小含內容
.
.
.
.
.


岩岩今日睇完，絕對同意son son版主既評語，其實初段人物交代清晰，唔明後段點解唔刻劃描寫多d，有點兒o徒料，災難特技比日本片更勝一籌，直迫荷里活，加上當中有d笑料，o係緊張情節同感人場面中點綴一下，不錯！犯駁位當然有，相信好難避免，o係差不多兩個鐘頭既電影黎講無悶場，導演編劇功不可抹，成套戲只認識孫藝珍同抽獎入住108個男人外，同埋最後捨身成仁既消防隊長係熟口熟面外，其他演員一慨唔識，其實我覺得仲好，起馬真實感提高。我絕對係災難片既fans，基本上每套都會睇，整體黎講呢套火海108絕對合格有餘，出碟應該都會買黎儲下！

scott0208

多謝Son Son兄既一篇詳細影評