今次試玩嘅係 Evidence 系列中較低級的HHS, 事緣係小弟嘅AV 組合自從換咗條 WireWorld Silver Starlight 5.2 HDMI 之後, 出黎嘅聲音取向改變曬, 隻Subwoofer 直頭無曬中低頻一樣, 變咗軟腳蟹咁! 當然要諗下計, 最直接嘅方法就係換電源線, 取代舊有嘅 Northwire 18A triple run; 本來想整條AET HCR EVO 試吓, 點知朋友介紹我用條新版AET HHS AC/SP EVD, 仲話一定無介紹錯咁話! 好…信你一次, 我係用緊 Sunfire HRS-10 Subwoofer, 訊號線係 QED Reference, 插條 HHS 落去煲番百零個鐘先o 試咗幾段戲, 首先嘅感覺係比起 Northwire 靜好多, 而且唔燥, 夠力, 中低頻較突出, 衝擊力亦相當好, 快收快放, 正正補充了我套組合之前嘅不足, 真的有驚喜!
之前聽朋友講過, 想試倒電源線嘅真正實力, 最好係放落去頭(訊源)道試, 我間中都會用部Oppo 83SE 宇宙盤嚟聽吓歌, 用嘅係佢同門師兄AET HIN EVO 電源線, 感覺上HIN EVO 出嚟嘅人聲靚, 分析力好, 高低延伸適中, 樂器分離度唔錯o 換條 HHS EVD 上去聽吓, 攞最熟嗰隻2009AV SHOW 試, 人聲, 大棚野都聽吓, 分別都幾明顯, 人聲縮咗入去, 音牆亦較窄, 分析力唔夠HIN EVO 好, 特點係聲底厚暖, 中頻較突出o
總結: 依條 AET HHS AC/SP EVD, 個人感覺比較適用於大電流裝置, 例如拖板, 後級, Subwoofer 等, 而且價錢相宜, 不失為一個平價選擇!
(以上報告只屬個人觀感, 亦因組合有別出嚟效果會有所不同, 敬請留意)
|
發表於 2013-2-1 20:44
樓主
