三保燕梳

沙煞比

想問下各位師兄用緊邊間燕梳?

打算買架二手七人車, 想問下資料

Mint

美譽   2832 2182
我全保都係2千幾蚊。

ykluk

我用緊autotoll, 係平不過要留意墊底費同擋風玻璃夠唔夠用~~!!
我有朋友用平保, 比autotolll貴少少不過墊底費同擋風玻璃會好啲~~!! {:9_421:}

ykluk

咦, 你係問三保喎沙兄, 點解唔要全保, 有咩事都有多啲保障~~!! {:9_419:}

沙煞比

ykluk 發表於 2013-1-22 17:50
咦, 你係問三保喎沙兄, 點解唔要全保, 有咩事都有多啲保障~~!!

6 兄, 之前有同朋友夾份有架車仔渣下亦有時屋企人車

不過今次就真係係第一次自己買車.
TARGET 都係舊車, 七八萬既, 自己又無NCB, 所以就諗只買三保

真係唔係好熟燕梳, 所以上黎問下師兄們, 指教下

係咪買全保好D?

ykluk

沙煞比 發表於 2013-1-23 11:27
6 兄, 之前有同朋友夾份有架車仔渣下亦有時屋企人車

不過今次就真係係第一次自己買車.

簡單啲嚟講, 要睇吓自己既諗法囉. 如果淨買3保, 即係有咩事起上嚟(當你唔啱撞到人), 人地可以起訴你再將所有賠償claim你個保險公司. 但係你自己有任何嘢(人同車都係)就要自己食返.

至於全保, 你有咩事對於自己部車都可以claim返保險公司, 當然一定會有墊底費(有啲公司連墊底費都無, 不過貴啲). 例如你撞咗, 車房話要整3皮嘢, 你個墊底費係5千, 咁你咪比5千保險公司比2皮半囉. 不過做呢啲賠償前保險公司一定會搵公証行去同你個車房講數, 越講得少保險公司咪比得少囉. 但係一搵咗保險公司賠, 你個NCB又要由頭嚟過.

你仲要留意啲young driver, inexperience driver同third-party driver, 因為如果係呢啲出事, 個墊底費會唔同.

另外, 有啲事係好多都會發生既就係擋風玻璃爛咗, 如果你買全保通常都會保你一年3千或5千既擋風玻璃錢, 呢個item係唔扣NCB既. 總之你要證明到你塊擋風玻璃出事要換, 咁可能要去佢指定既車房去換(autotoll就是旦搵間有單出既車房就得), 然後比返張單保險公司佢出返票比你.

買邊種你就要考慮吓你有幾愛錫架車囉, 咁我都見過有人撞到bomber甩埋就咁用膠紙貼住出街照行唔整都有, 亦識啲朋友架車撞到細石仔少少花都走去噴過成架車.....

沙煞比

多謝6兄咁詳細既解說

其實一向好怕睇保險相關既野 (因為好鬼多條件同因素)

試網上係DIRECT ASIA 度估價
三保就quote 大約二千, 全保就四千 (5千墊底)
多二千保多D又真係好似值

就算自己小心, 係條路度好多其他人都亂黎

ykluk

沙煞比 發表於 2013-1-23 12:28
多謝6兄咁詳細既解說

其實一向好怕睇保險相關既野 (因為好鬼多條件同因素)

啲保險公司最鍾意就係好似沙兄你呢類人, 唔睇條款就好易瀨嘢佢又可以唔賠, 所以乜都要睇清楚先得~~!!

5千墊底咁同autotoll一樣, 平保就3千, 你可以格多幾間先再諗...仲有擋風玻璃佢包幾多? 通常一塊大陸牌既擋風玻璃大約1-2千都會有, 但日本或者歐洲既就要3-5千架喇~~!!

我自己覺得, 買全保唔係淨係為咗驚自己唔小心, 而係驚其他人唔小心.....大部份朋友中招都係人地撞佢地.......

lkljason

我建議如本身有NCB或者全新車上會買全保就無妨，因為相差唔遠，但如果NCB乜都無仲要係二手車(同埋係weekend車主)，小弟意見3保就夠，講真免得過都唔想claim保險。

lkljason

不過如果你係快車手兼日日渣既話，咁買全部都係不錯既選擇，話晒多2K多d保障