國美敗走香港 3.16全線結業

小瑟

國美敗走香港　3.16全線結業

http://hk.apple.nextmedia.com/news/first/20130121/18141724

【本報訊】中國前首富黃光裕私人持有的香港國美電器將全線執笠！國美昨宣佈將退出香港零售市場，2月1日起陸續關閉本港全線6間分店，銅鑼灣旗艦店將營業至3月16日才結業。
記者：陳新政

一向予人感覺價格較便宜的國美於03年進軍本港，高峯期時在港曾擁有約20家分店，更揚言要搶佔30%市場佔有比率。惟因香港租金高企及近年生意欠佳，過去已多次傳出國美香港結業，至近日才決定撤出香港市場。本報記者昨日先後到銅鑼灣旗艦店、觀塘apm分店向員工查詢國美電器結業情況，一名姓洪職員稱：「公司話咗我哋唔講得，（係咪執笠？）唔知呀，我哋打份工啫，公司平時對我哋嘅待遇都唔錯。」

03年起累積虧蝕逾兩億
國美無解釋結業原因，只表示集團將由零售模式轉為向大宗貿易發展，受影響員工將按香港勞工法例規定補償，亦會對受影響顧客作售後安排。不過，消息人士指，國美不會支付代通知金。據估計，今次受影響員工約70名，而自03年至今，香港國美累計已蝕逾兩億元。未知是否配合結業，觀塘apm分店已開始清貨大減價。就記者觀察，幾乎所有電視機均以「陳列品」價格售賣，全場擴音機及相機等小型家電亦減價促銷。
國美電器全線6間分店至3月16日全面結業。記者曾就國美近日減價清貨一事向店員查詢，是否與即將結業有關。店員指是「新年減價」，對「執笠大減價」並不知情，但表示農曆新年後不會再送貨「星期六開始減價，過年前會送貨，但過年後唔送」。

corolladv

可惜, 個價真系平過出便...

9spl

大陸人嚟香港，係咪唔會幫襯國美？

dragonyam

香港舖租太貴係元凶...

沙煞比

D 租真係貴到死.........又咁多競爭.......點頂

原明

又死一間…

ryanytwong

真可惜, 消費者又少一個選擇

wing2188

香港舖租太貴，，，貴到離曬普，，，沒辦法的辦法

good88690

租金超貴, 不如轉營開藥房......................

keke323

9spl 發表於 2013-1-21 10:35
大陸人嚟香港，係咪唔會幫襯國美？

我覺得唔會....要幫趁返國美不如返大陸買