指甲師博未學滿師扮師博喔飯食

calvin1800

元朗嘉X商場 ~ Axxxx Nail

今天本來一心想為指甲腳甲扮靚靚點知一肚氣仲要死忍死忍死忍......

1) E師博幫我修指甲D死皮時竟然剪到我流血, 我唔出聲就當冇事發生,亦唔幫我止血, 到我出聲時竟話我唔出聲, 然後才幫我唔知噴D乜就當OK. (明明佢見到啦, 竟掉轉頭怪客人)

2) E師博幫我磨腳皮時又磨到我流血, 又係一樣...... 要我痛到縮腳才唔磨,激死...... 又要我問佢有冇消毒藥水或火洒可俾我消毒用, 佢竟然話會好痛, 心想都唔夠你搞到我流血痛啦! 跟住叫佢俾塊膠布我都話冇, 冇都要去買, 但佢完全冇諗住去囉, 好彩佢同事有先可以俾我, 點知貼完膠布後佢竟然想繼續磨嗰度, 叫佢唔好磨嗰度仲話嗰度仍有好多死皮, 叫得你唔好磨當然唔想再流血. 唉.....

3) 修指甲時巳問佢我指甲夠唔夠長佢話夠都可以不用做GEL甲, 不過做就會保持得好D, 但我唔想做, 亦解譯了唔想做嘅原因, 所以我問她唔做GEL甲仍可否做立體花等等嘅嘢時乜都話得, 佢叫我諗吓先再決定做唔做GEL甲, 當我決定唔做GEL甲 (因為指甲夠長) 時竟然又話做唔到嗰D花哪D花都做唔到, 算啦... 我再問佢要做閃甲又話好難洗.... 又算啦...我就話做今年最流行嘅海洋風 (劃花) , 望完幅圖之後嗰樣巳經綢到曝,我巳經講唔駛跟足 (唔要金鍊/石) 只要劃花, 佢竟然要講唔知點收錢,好爛嘅籍口... 又再算啦.... 最簡單剩係油黑色指甲油點知都油唔掂要找佢同事幫忙. 唉.....唉.....唉.....

P.S. 約了4:00做甲 / 3:45到達 / 4:30才開始 / 8:15 才能夠離開 , 但只不過修甲+磨死皮+油甲油+貼了好少嘅石都唔知點解咁耐仲要唔靚.

Monkey

發錯區!