戰爭機器PC版補完~

@肥狗仔@

當大家玩緊DMC嘅時候我就入咗隻古董。本身如果為咗畫質就冇必要入返PC版，但作為GEOW粉絲，玩唔倒1代完整版絕對係遺憾。話說哩隻game始終成5﹑6年歷史，加上MS唔再出貨，真係搵咗唔少時間。

civiclau

有一版只有pc版才有，同埋如果可以的話，一齊合作打爆佢(瘋狂)

@肥狗仔@

civiclau 發表於 2013-1-17 10:17
有一版只有pc版才有，同埋如果可以的話，一齊合作打爆佢(瘋狂)

因為我岩岩先玩返，未解瘋狂難度，所以我唸可能要遲下先搵CHING打瘋狂了 巨龍獸章節未打過瘋狂唔知，但X360瘋狂試過一個人都過得到，螢光苦役兵同最終BOSS係難點。不過話時話，如果PC版冇新章節都真係唔會買，事實上巨龍獸章節技術演示性質比較多，EPIC就話引擎版本唔同，而且移植PC已經花好大功夫，冇可能再移植返去X360。但你睇返GEOW2嘅表現，你話佢係咪真係冇辦法做返同樣嘅野，當然只係藉口。如果打多平台牌嘅UE3都話難移植，咁EPIC仲洗做嘅。我估當年MS想推Games for Windows，要PC版保留獨佔野做selling point，之後如意算盤打唔響，EPIC亦費事哂人力物力去移植，最後就害咗我地一班玩家

civiclau

係喎!! 黎緊三月xb360出第四集，有性趣嗎？

@肥狗仔@

civiclau 發表於 2013-1-18 10:30
係喎!! 黎緊三月xb360出第四集，有性趣嗎？

果隻《Gears of War: Judgment》只屬外傳，唔算得上係第四集。買就一定買，不過我唔期望佢同GEOW3有太大分別，當係個資料片咁玩就算。