一代宗師 (不含劇透)

Hon

王家衛都真係幾醒, 隔左咁耐將葉問既影子用呢種手法輕輕帶過, 變成套戲講晒葉問, 唔係wor, 但又唔係唔提葉問, 只係將個故事背景加強, 令到成套戲跟宇宙最強嗰2套黎一個放大, 因為呢世界既武術的確唔只有詠春, 而武學亦唔應該只著眼於一種, 咁就可以成為另一個故事既骨幹.

睇返報導至知佢用民國時期做背景, 再睇落去就了解到意思所在.

對我黎講王生既戲的確幾悶, 但悶之餘反而俾佢既華麗拍攝手法吸引住, 好想睇多次, 但...都係留返D錢等出碟時至睇, 留返條瘾.....

gigi1lover

我未試過睇過一套戲雙眼會咁貪婪地唔離開畫面...

saki

rach 發表於 2013-1-16 00:51
套戲音響正嗎?

音響一流，低音拳拳入心入肺，仲有我係isquare睇，因為我短頭髮，我未試過一套戲可以震郁的頭髮！

audia

Hon 發表於 2013-2-2 21:01
王家衛都真係幾醒, 隔左咁耐將葉問既影子用呢種手法輕輕帶過, 變成套戲講晒葉問, 唔係wor, 但又唔係唔提葉 ...

當年 東邪西毒 同堆朋友睇到一半已不行鳥！收隊離場......-.-"
舊屎比較喜愛都係 旺角卡門 0.0/

Hon

audia 發表於 2013-2-3 17:39
當年 東邪西毒 同堆朋友睇到一半已不行鳥！收隊離場......-.-"
舊屎比較喜愛都係 旺角卡門 0.0/ ...

東邪西毒, 我當年死頂睇完咋....

最慘係睇完都唔知套戲講咩.....

scott0208

Hon 發表於 2013-2-3 23:01
東邪西毒, 我當年死頂睇完咋....

最慘係睇完都唔知套戲講咩.....

正常!呢套戲連埋終極版我睇咗8次,但都係唔明 ,唔通係我蠢!

Hon

scott0208 發表於 2013-2-4 00:50
正常!呢套戲連埋終極版我睇咗8次,但都係唔明 ,唔通係我蠢!

可能係啦...(講笑)

不過我真係唔夠膽買黎睇, 我驚10分鐘後瞓著, 無謂嘥錢.

SkyGeo

Hon 發表於 2013-2-4 09:29
可能係啦...(講笑)

不過我真係唔夠膽買黎睇, 我驚10分鐘後瞓著, 無謂嘥錢. ...

絕對同意，套戲真係好鬼悶！之前影評話好睇，於是抱著好大期望，但亦著最大失望離場。套戲拍攝手法華麗，但故事情節鬆散 ，沒有高潮起伏，整套戲平淡如水。我以後都唔信影評！

waruinu

這套戲就是王導演的風格,跟"無腳的雀仔"一樣,一大堆對白,似無還有地說出角色對各自情感,生活的無奈,約有所失的.不過今次在武打的世界裏作背景. 好可能今次拍攝過長,太多選擇去做剪輯,這套戲剪得散了一些,有些角色的片段是不大關係,可有可無. 六十年代背景,九十年代背景,未來背景到今次的武林背景,下一次會用甚麽背景?

Hon

SkyGeo 發表於 2013-2-4 14:33
絕對同意，套戲真係好鬼悶！之前影評話好睇，於是抱著好大期望，但亦著最大失望離場。套戲拍攝手法華麗， ...

我信自己多過信影評...