幫老細問耳筒,AMP,喇叭

ziafung

沒人答到我....?

liting

Ching,

其實你去任何一間代理，例如 B&W ，講出你既需要和 budget，佢地一定會令開心而回，不會失望。

ziafung

OK我叫我老細去睇睇,但你本身有沒鐘意邊D HIFI牌子??

nicknick

ziafung 發表於 2013-1-12 13:24
金仔係咪金嗓子??JMLAB係牌子?

你說的沒有錯。

nicknick

ziafung 發表於 2013-1-10 13:56
哦,BUDGET呢家野我老細應該係無上限既,唔使SET啦.口味佢淨係話FOR係屋企聽...淨係話留意緊B&W同SONNS FABER ...

你需要的答案其實唔係乜野hifi組合好，而係點樣可以討你老細歡心，

唔緊要，我教你，既然你老細講得出B&W 及 Sonus Faber，你根本唔駛諗其他，一定要推介佢買呢兩隻牌子（以喇叭產品為主），你介紹其他佢唔識的，就算幾好聲都冇用，佢心裡面都只會覺得呢兩隻牌子先至好，一係覺得你唔識野搵你幫手都冇用，一係就會認為你唔俾面佢，好似好巴閉高過佢咁你識佢唔識，呢個係死罪，你要俾意見佢之餘又表現得渣過佢；

冇上限係啱的，因為你揀對Sonus Faber入門型號Toy俾佢的話，佢會以為你睇佢唔起話佢cheap，唔通你想唔撈？
所以唔買旗艦都起碼介紹二佬俾佢丫，B&W那對頂班Nautilus 鸚鵡螺同埋Sonus Faber的Stradivari一定係首選，佢嫌大隻得滯先至買番低D型號。你再問舖頭呢對喇叭用乜amp最襯得起？舖頭咁識做生意應該點都會介紹D襯得起佢的amp，你照跟應該都唔會點衰，記住你唔係要揀最好聲，而係要最夠派頭，聲唔駛驚的，你老細俾得幾百萬買hifi，自然會覺得佢地好聲。

最後一招，你以為最貴、最TOP就最好？唔一定的，你要做定功課，印定頭幾個型號的產品相出來俾佢睇，叫佢揀最喜歡的外型，最TOP的型號外觀都好獨特，外觀like唔like係好主觀的，佢唔like的話你又係死。


祝你升官發財，唔好唔記得小弟。

ziafung

多謝哂你=DDDD

donovan

莫講話幫老闆買既丫，幫女友買野都夠煩，無可能買到完全岩佢心水既野。除非你佢指明你做跑腿買返黎否則。。。