今日自製咗塊白平衡灰咭掛牌for 我部M43機&有d迷途想師兄.....

titus614

今日去咗鴨記街邊檔買咗塊八達通or Pass証件套$15 +$4膠彈弓掛繩& 幾十蚊國產白平衡灰咭...
裁啱尺寸放入証件套落埋掛繩~~攪掂 !!
簡單既日用品可以解決我用M43機成日白平衡唔啱情況, 以前成日攞銀包八達通背面白色嚟教都差dd, 而家灰咭重可以掛袋外面好方便加上俾我搵到條彈弓掛繩簡直天助我也...非常滿意呢次手作仔

不過呢排我好迷惘 ~ 想換大單反既念頭一直未唸掂, 喺我budget射程範圍內試咗6D & D600感覺各有長短好似未搵到滿意既一部, 一係就over晒budget~5D mark III or D800 而且內心又覺得玩得太大加上機身又太重, 其實攝影對我嚟講只係少少興趣&家庭樂既點綴啫...影下仔仔老婆影下景, 我又唔會自己一個人有興致攞晒器材去打雀&隨影果種人, 自己都掙扎緊有冇需要買禁Pro... 呢?? 其實唔係Full Frame既APSC入門大機例如60D or D7000......等等, 在室內控制雜訊能力如何呢?

有冇師兄可以給我一點意見呢？ 我呢兩個星期不停刨Forum睇用家評論又去showroom試機攪到自己都迷途了...其實我upgrade既目的主要係想搵部能夠室內都可以高d既ISO下都控制好d冇禁多雜訊加上快門比我部EP-3快多dd我都OK滿足㗎喇...可以唔洗花費太多錢而可以簡單Upgrade到...有d朋友叫我買OMD, 不過我個人唔太喜歡OMD~呢部我唔考慮了!還有沒有其他意見呢方便提點一下小弟呢??

萬分謝謝!!

mike384

c兄, 覺得興趣唔係咁大, 用返而家的器材就好了.
但如果覺得器材不足, 米再諗lor.
其實買單反又唔一定要用黎影雀, 尤其你想入FF的話, 影風景同人像真係可以影到好FINE的(冇認真用過M4/3, 但亦覺得可以好靚了)
用緊D600的我, 係價錢同性能都算滿足到我, 當然係有塵的問題, 但只不過幾粒塵姐, 通常揀好相後, 執兩野就冇了.
作為買機的標準, 講下自己的例子, 我會先睇自己對OUTPUT的要求, 曬到幾大? 定唔曬斎放上FB? 定好自閉咁係MON放到200%聞? 自己最多係放到8R~12R, 所以市面上的一般單反其實都滿足到, 即使我上一部D90都得(不過裁相的空間就細了), 所以今次見到D600的SPEC就好滿意,像素高得黎又唔會去到3600咁誇張(我部PC能力有限), 加上再平D800都6,7K, 所以二話不說, D600出了不夠一個月就狗衝了
一張相好或唔好, 其實部機做到的都係有限, 最緊要係影個個人的運用, 所以C兄買機之前, 可以細心留意下自己用M4/3影相時有咩真係HARDWARE上的先天不足, 畢竟M4/3較輕, 單反(尤其係FF)又係做唔到的.
再講, 買了C或N都好, 鏡頭群的選擇會多了好多(唔計M4/3的手動鏡啦), 所以C兄的煩惱可能都會隨之而來, 但另一方面亦可以係一種樂趣.

ahnel

多謝師兄個DIY分享~

聽師兄錦講, 我諗你都未必要買到好高grade o既DSLR, 針對你要室內高ISO加埋比M4/3快o既反應, 其實一部D7000都好夠玩~

依家出果D APS-C機, 高ISO表現都絕對唔差, 相反鏡方面就比FF機平少少, 可以諗諗嫁~

kelvinwe.chan

樓上師兄講得冇錯，機身只係前菜，嚟緊鏡頭先係你要考慮，同埋因為你而家係轉系統，我嘅意思係當你諗買D7000,時，其實係要諗埋D600 or D800或者更高楷比唔比到你想要嘅嘢，因為一兩年後鏡會留近而你只會去換機升呢~

titus614

mike384 發表於 2013-1-9 09:04
c兄, 覺得興趣唔係咁大, 用返而家的器材就好了.
但如果覺得器材不足, 米再諗lor.
其實買單反又唔一定要用黎 ...

好多謝師兄你詳細既解答同分析...
自己都有個唸法, 而家好多喜歡玩攝影既人都喜歡Full Frame既機多, 變咗d APSC機無論二手or全新機都相對平d...其實自己budget唔多得20k左右可動用去玩, 會唔會鎖定唸住入咩牌子行列再入部APSC熟練下d操作先順便再儲下錢一個個step去升級再買部FF好d呢? 因為如果用14~15k強行買咗部FF之後只有2~3k玩鏡頭冇咩好嘢選擇再要預多少少買下d配件仔...我見肥花網好多二手既入門or中階機都係6~8k左右禁我可以慳多幾千買鏡頭...但係自己沒有接觸玩過APSC單反相機係玩過朋友部Full Frame 5D mark II被毒到了...唔知呢類APSC相機在室內唔用閃燈情況下會唔會同M43操控表現雜訊程度差唔多呢? ~我擔心錢就洗咗換嚟換去冇咩大程度upgrade到相片質素喎...

唔好意思自己對相機理論好有限好多嘢唔知好多嘢想問，其實鏡頭本身有冇分係咪For Full Frame 專用呢? 還是可以同APSC相機通用呢? 而Full Frame 相機除咗能夠跟足鏡頭段距相同沒有打折 & CMOS大d之外還有咩優勝之處呢?
如果唸住而家買APSC相機日後轉玩FF係咪只換Body~OK呢?
會唔會有師兄可以解答一下我呢個入門既新手呢??

萬分謝謝!!

titus614

titus614 發表於 2013-1-9 11:15
好多謝師兄你詳細既解答同分析...
自己都有個唸法, 而家好多喜歡玩攝影既人都喜歡Full Frame既機多, 變咗 ...

原來當我打緊篇嘢既時候兩位師兄已經答咗我.

我唸我應該會試玩下APSC相機先再考慮upgrade FF了...

Tthank you 各師兄幫忙!!

ming

玩相機 真係無底深潭 我都上咗 FF機
D鏡係唔同
可以用在APSC機 但APSC鏡不能用在FF機

titus614

ming 發表於 2013-1-9 11:41
玩相機 真係無底深潭 我都上咗 FF機
D鏡係唔同
可以用在APSC機 但APSC鏡不能用在FF機

係呀...禁可以點分FF鏡呢? C記=紅圈 ? 禁N記有冇記認呢 ?

~Thx!!

ming

C記 所有EF鏡都可用在FF機上 EF-S就APSC機用
N記 唔識

ahnel

titus614 發表於 2013-1-9 11:52
係呀...禁可以點分FF鏡呢? C記=紅圈 ? 禁N記有冇記認呢 ?

~Thx!!

Nikon o既 APS-C鏡叫做DX format, 冇DX就係FF鏡~

師兄唔駛擔心APS-C DSLR同M4/3系統冇咩分別, DSLR同M4/3系統跟本係兩個世界, M4/3 o既noise control 都仲係追唔到DSLR~