新手打雀記 - Rogue Audio Cronus Magnum 開箱文

vegetable · 發表於 2013-1-5 12:12

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本人新手(唔係打手!)一名．首次出p o s t純粹忍唔住想同大家分享下喜悅．本來一向聽開麗磁小膽皇211都幾滿意．有日痕痕地上五樓試左一部美國合併机，我其實唔識呢個牌子，又未聽過美國膽機，只見到佢個招牌係一隻雀！

有D似夏雨既哥哥話呢部係超班堅野．由於佢唔算平, 我半信半疑坐低試下木耳識唔識分

，點知一聽就半個鐘，被佢個種好立體得來非常華麗既聲底吸引住．

佢唔係好濃胆味個隻, 個種聲係同我聽過好hit既其他牌子胆機唔同, 似乎走鑑聽路線, 個刻似乎明白D師兄所謂既音場同定位係乜：當時聽左隻唔知乜外國女聲, 真係覺得自己好似監制坐左係錄音室入面，每樣樂器都好清楚係邊，好似連歌手同個咪既距離都睇到咁．有幾野鼓聲真到可以感受到鼓棍打落鼓皮個下磨擦力！先知原來膽機可以有咁樣既分析力．再聽左隻大棚交響樂，五樓試音室立即變左坐住幾十人樂團既演奏廳．我相信當時我係一路聽一路傻笑左出來．{:9_407:}

當時決定速逃．如果唔係屋企部機肯定唔想再聽．{:9_418:}

結果•••神推鬼擁又去試多幾次．唔知點解又買埋番屋企。

老生常談：唔諗住買．真係唔好亂去試野。

多謝觀看.