有個女仔搵男朋友! 女 : 幫我介紹個男朋友啦。

tommychan1021

琴日，有個女仔搵人介紹男朋友。以下係對話：
MM：幫我介紹個男朋友啦。
ME：你之前果個呢？對你幾好嘎，散佐咩？
MM：對我係好好，不過無錢，份工無前途！我同佢分佐啦。
ME：咁你想搵點樣嘎？咩條件啊？
MM：唔使好靚仔，要人好，最重要係有錢！
ME：咁幾錢先叫有錢？幾錢符合你要求？
MM：肯定有車有樓啦，有公司，要寶馬或者BENZ，
ME：哦，我識得好多，我地D車主基本上個個都開公司，而且我哋D車
唔差得過寶馬同BENZ。
MM：甘你唔介紹俾我識？ ？ ？
ME：介紹俾你啊？果D人要求好高，要夠靚要夠高仲要有氣質。我見到人
地D女朋友都係模特兒啊、明星仔啊或者好有氣質既OL甘喔。
MM：我自問都係靚女啊。
ME：但你企埋人地果個圈子呢？ ？ ？
MM：咁你即係踩我嗟？系咁啦，唔想同你講！
。 。 。 。 。 。
其實唔係我想踩你，係你唔踩唔得。
我要踩你，都要你訓系度嘎，你企得高企得直嘅話，試問我又點起到腳呢？
呢個世界，好多女人中意扮上菜，或者妄想自己系上菜。
一直嘆穩唔到好條件既男人。關鍵系，你為佐得到你想要既你做左幾多準備？你有幾多資本？你遇上一個好男人，你憑乜野去獲得對方讚賞？
你想穩找個身家一千萬，你自己至少也該有一百萬去襯翻人哋嘎。當然，我嘅
意思唔係指確切既錢，而係資本。
你既才華、學歷、職業、品格、樣貌身材、氣質談吐、知識閱歷仲有你嘅家底!
唔好著重處女，但保持純潔！等等都係做上菜既資本。呢D，都要靠自己
有男人對你好既時候你，你挑三揀四，吊高黎賣。當你覺得你個男人無前途既時候，
係咪都檢討下自己有無資本呢？
當你自己有資本既時候，更有資本既男人自然會搵上門，
使咩你自己搵得咁辛苦嗟。記住，上菜通常都唔外賣嘎！
好似我呢個女性朋友咁，覺得自己系上菜，要金盤玉盞先配得起，
咁既話，只能慢慢等，等到變隔夜菜咯。
一個自身唔努力，旨意曬個男人嘅女人，就算幾靚，都只能得到男人既歡心同錢，永遠得唔到愛同尊重。
呢個社會無論男女，個個都好現實，無人唔想過更好嘅生活，搵到條件更好嘅伴侶。
只不過男人無女人咁幸福。男人知道，我要得到呢一切，必須要自己去努力搵錢去實現。
-------------------------------------------------- --------------------------------
同樣道理,
好多男人都話要搵個樣靚身材正,條件好嘅女人做老婆, 但係你又有幾多斤兩??
同緊自己女友時, 又嫌三嫌四!
嫌人波唔夠大! 腿唔夠修長! 樣唔夠靚! 學歷唔夠高!工資唔夠多!
見到第個條件好嘅靚女果陣, 又朝三暮四, 搞曖昧關係!
多次約會靚女出來吃飯, 吃完就係兄弟面前嗮命:
"琴日,我同佐XX靚女去左邊度邊度吃飯"
"上星期,我同佐XX靚女去左邊度邊度體戲"
系兄弟面前,或者你會好有面子!
但係你咁做又有咩用?有咩用???你估佢地會同你過世咩???? 會同你挨？
咪傻拉!!!!!系度浪費時間,浪費金錢,浪費青春!
正一傻佬!多做D對你事業有幫助的事好過拉!
你憑咩去追果D條件好嘅靚女?而掉低你嘅正牌女朋友? 你有咩資本去追人哋?
你供得起人地每日一張S&K Ⅱ ? 你供得起人哋所有名牌衫?
男人啊! 男人! 對住面鏡,打開銀包睇下,自己有幾多斤兩,
無? 甘就腳踏實地,安守本分做人啦! 多D關心下你身邊嘅佢,多D愛錫你身邊嘅佢算罷啦!
其實揀伴侶同揀車一樣!當我哋開住部小車系條路飛緊嘅時候,
不時咁有好多寶馬、保時捷咁嘅靚車擦身而過,直至消失遠去......
貪靚嘅我哋不時咁回望同幻想! 黯然回過神來,睇下自己果部小車,其實我部小車都唔錯,
一直以嚟安穩、舒適咁車住我哋上山下海!不離不棄!直到永遠!
好多嘢都係可遇不可求嘅!望下就好啦! 千其唔好為佐試著件晚裝,而放棄佐件溫暖牌,
晚裝雖華麗，但最多只能著出嚟,系眾人面前嗮一嗮命,過眼雲煙,一迅即逝!
而且著起身會好大壓力"因為佢太貴重" !!
溫暖牌雖平凡但只有溫暖牌先可以俾倒舒服、柔軟、溫暖嘅感覺你,
系永遠嘅,唔變嘅,無壓力嘅!只因平凡先可以帶俾你純淨舒服嘅感覺!!

nebulam42

絕對同意

fm31331

介紹朋友!

沙煞比

哈哈........係好多人既寫照

諗番轉頭, 中國人話竹門對竹門, 木門對木門其實係岩
好似師兄講唔係單指錢財

好多野要配先可以長久

環顧身邊......好多女性朋友都犯呢D 錯
最錯係話佢個時又話自己邊度有咁多要求
但介紹比佢之後就話個男呢樣個樣

唉

aalun22

  x2

edlsang

ctmk

莫道你在選擇人，人亦能選擇你，公平，原沒半點偏心...{:9_423:}

Benlu

C兄好似深有體會wo

HOHOHO

當你自己有資本既時候，更有資本既男人自然會搵上門
if they understand this point ; then will no "hk girl" this term!

horace_tsang

其實無論男女，想搵條件好的伴侶係好自然既事。識得自我評估然後搵個對稱的是理智的，但有幾個可以做到?

我覺得有時娛樂新聞間接影響時下青少年價值觀，連國寶，選美，私人看護最終都係揀富豪，理得你話我貪錢，男明星都可以離婚痴住賭王個女，試問邊個唔想。不過有錢人可製造多D驚喜又容易D就真的。