對香港咩前景都沒曬信心！

chhanthony

社會上嘅不公已經去到極端嘅地步，
資本社會走到極端就係咁，美國係一個好例子，
只不過美國政府係由人民選出嚟，真假都好，人民都叫做有得選擇，
揀錯自己由負責。

香港政府唔係民選政府，而用嚟制衡政府嘅立法及司法，
當中立法局認受性低，功能組別嘅小眾利益凌駕大眾社會利益，
而亦正因為功能組別加分組點票呢個怪胎，由人民選出嚟嘅議員跟本發揮唔到作用，
攪到好多所謂嘅反對黨同派民等就只係不停做show，因為就算佢地明知為巿民好好地做實事，
都唔會過到功能組別呢一關，咁不如做下戲算啦。
而司法獨立亦同時受到挑戰，好似隻非同外傭案，
因為自身嘅利益而希望用釋法去改變終審庭嘅判決係好自私嘅事，
雖然我心底都好希望釋法去解決雙非嘅問題，但呢個真係好自私同唔尊重香港法冶精神嘅想法，
如果下下因為終審庭嘅判決唔啱心水就要求釋法嘅，咁香港已經無咗最珍貴嘅司法獨立，
到時三權合作，惡果就係巿民自己受。

因為畸形嘅議會制度，加上經濟不境，窮富差距所帶嚟嘅怒氣越嚟越大，
管冶威信減少，其中一個幫助管冶社會嘅方法就係攪分化，
令視線轉移，令巿區人唔妥新界原居民，令新界東北原居民唔妥非原居民，令派民分烈等等。

關大爺

keke323 發表於 2013-1-3 11:07
其實我覺得香港真正最需要幫助既係基層市民既住屋問題(例如住劏房既人or 新移民)
香港每年都有咁多人申請公 ...

師兄,根本解決唔到,日日150人

關大爺

anw 發表於 2013-1-3 10:50
多年已經係架啦

唔係好多年,97年7月1日開始.

keke323

anw 發表於 2013-1-3 11:23
認同......可惜地產商同好多議員有良好關係，所以實行會拖慢嚟做

香港地幾時都係富商/大集團 霸住黎玩....
有部份大集團(唔計香港本土既大地產商), 都一樣大到霸住個市道黎玩,
不過大家可能無留意到姐

anw

我之前就係香港從事地產業務，見盡業內嘅黑箱作業！所以唔想埋沒良心地做下去，幸好本人只管理外國人嘅租務同管理啫

dragonyam

anw 發表於 2013-1-3 10:48
係令到宜社會民不潦生嘅最魁禍首

最有錢果幾個，全部都係攪地產，可想而知香港打工仔每個月進貢血汗錢，俾佢幾多錢佢地賺...

anw

dragonyam 發表於 2013-1-3 12:01
最有錢果幾個，全部都係攪地產，可想而知香港打工仔每個月進貢血汗錢，俾佢幾多錢佢地賺...  ...

早兩年香港富豪榜頭十位有八位係地產家

anw

關大爺 發表於 2013-1-3 11:33
師兄,根本解決唔到,日日150人

真正數字你唔知啫

ilavbnm

好多人成日話XX霸權令到大家生活有幾苦
但係我就唔係太認同
其實香港比起世界上好多地方...仍然算係充滿機會
樓價係高...地產商搵唔少錢...亦係真o既
但係...大家又有無諗過
如果香港無晒大家所講o既財團會變成點?
情況就=好多人話政府XX警方XX一樣
有朝一日...香港進入無政府&無警力狀態又會點?

好多人話地產商搵晒佢地d錢喱種心態...亦都係唔合理o既
其實所有人(包括老細/打工仔)都係搵緊市場上o既錢
簡單d講...塊餅o係度...大家應該諗o下點樣令到自己可以分到大塊d
而唔係話人地攞左你塊餅

其實好多小市民都從中分到多少(香港有過百萬個業主)
點解別人可以分到...自己又分唔到呢...有幾多人認真諗過喱個問題?

正如我以前講過"任何人都可以不滿現實、但係又有幾多人可以改變現實"
我自問無能力改變現實...所以我選擇適應...選擇適者生存
好好彩地...比我搵到生存空間...亦比我分到塊餅仔返o黎...

bigair

你地諗下，香港收益係邊到？
稅收係主要，入息稅，印花稅汽車首次登記稅......最緊要係按比例收入
樓價越升，政府越發，起多d居屋公屋＝樓價升得慢，甚至反跌，全部都係供求問題，無人想買樓，個個有屋住，地產商唔會買地起樓，政府無收入...
話就話要幫基層市民，都係自己荷包緊要d，基層市民交稅少，收入同付出不相等，資本社會就係咁，靠政府不如靠自己