遲來的生日及聖誕禮物 Philips Fidelio X1 ！

adktk · 發表於 2013-1-1 12:25

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 adktk 於 2013-1-1 16:55 編輯

上星期日原本想去試聽對 ELAC AM180，點知去到店員說剛 pack 好要送回代理。
唉！無得試！
之後響店入面閒逛。見到一個自己熟悉的家電品牌剛推出既大耳牛，原本無諗住試，不過最後都係除下我聽緊既 ES5 插隻耳牛去試聽一下。
(其實小弟家中已有一隻 Philips HP895 耳牛，知到 Philips 耳牛同自己大部份時間用緊既 HD650 D 聲有乜野分別，所以原本無諗住再試第二隻 Philips 耳牛姐。)
原本聽緊 HK AV Show 2004 Track 12 既 "牛鬥虎" (歌曲原本是 DSD/DIFF 1bit/2.8MHz 格式，已用 AudioGate 轉為 24bit/192kHz AIFF 格式) 我索性就用依首曲目黎試下隻耳牛。我將部 DX100 個 volume 推到 240 (最高應該300) 但仍然 keep 住 mid gain。鼓聲響起，個種鼓聲感覺好有力，好有質感。我一路再聽落去，好快五分鐘過去，成首＂牛鬥虎＂感覺好有立體感、現場感。鼓棍互相搞擊聲音十分清翠，比起我用 HD650 聽同一首曲目更加有聽大鼓嘅感覺，更剌激。
最初我還以為我聽錯，無理由對 HD650 會給＂家電品牌＂比下去嘅，還好，該店有對 HD650 所以我第一時間插隻 HD650 落部 DX100 然之後轉去聽中森明菜嘅＂難破船＂（原生 24bit/192kHz aiff rip 自中森明菜唯一一隻嘅 DVD-Audio)。確定左隻 HD650 同屋企用緊果對無大差異後再聽番＂牛鬥虎＂。結果 HD650 真係...........慘敗！如果說＂家電品牌＂聽＂牛鬥虎＂有大鼓 feel , HD650 個鼓就顯得好細，定位方面＂家電品牌＂定位好有立體感，相對 HD650 就顯得比較平面。但我最有感覺，最 impress 我嘅係鼓棍互相搞擊聲音十分清翠，呢點係 HD650 比唔到我嘅。
當時心諗，(當送比自己遲來的生日及聖誕禮物囉！)問店員價錢，佢噤左個價比我，我知個價都 OK 好既，不過我份人或者係太小心眼，所以都無即時比錢。
返到屋企就立即上網找果對耳牛既資料。同時又去 M 台到睇下有無人有 comments 先。點知響 M 台只 search 到有一個 post 有講過下依隻耳牛。跟住去埋 head-fi，有一個 post 講佢。我睇晒個 post 就決定係佢喇！
31 日大除夕，去到店鋪想話搵番昨日報價比我果個店員，點不知入到去只見我相熟果個店員，佢話邊個今日放假。我二話不說就叫相熟果個店員給我 Philips Fidelio X1 。佢即時噤左個比昨日果個更好既價比我。
所以................

開盒後.......不過就無好似 HP895 一樣有送埋個 Headphone stand！

第一時間用部 Korg MR-1000 聽番首真正 DSD 1bit 既 "牛鬥虎" 先.........

待續..........