Fuse 事件引身問題﹣保險

小瑟

1.想問若果家中有用美式拖板，但拖板的入電電源線係英式，受保嗎？
唔保
2.用DIY 電源線，受保嗎？
合規格就保
3.牆身座自已換，受保嗎？
合規格就保
4.用13A蘇，但走Fude，受保嗎？
一定唔保
5.用美式電源線加英式轉換頭，受保嗎？
線都有分美式同英式的嗎???

諸星當

小瑟，勁。

5.應該係美式頭加英式轉換頭的時，受保嗎？

Westdoor

汽車車軚如同出廠規格不同,只係改濶半寸而又無向運輸署入紙申請,都算非法改裝.
如發生交通意外,經驗車後意外起因証實同呢半寸有,咁就入得.
如家居火燭起因消防認為同非法改裝電力裝置有.保險有機會唔保.不過我問過消防防火組友人,但佢反問我乜野叫美式插頭!

諸星當

所以問保險公司都可能要教吓佢甚麼係英轉美，拖板...等等，都問晤到野。

wil-wil

1.想問若果家中有用美式拖板，但拖板的入電電源線係英式，受保嗎？
   如果拖板係英插、板身有美插 outlet 其實等同轉頭原理一樣，
   合法買入非 DIY 既就一定保 (但如果該電器舖賣比你時都唔合香港既規格，
   你係家居保就無得賠，要從另外法律途徑追討)

2.用 DIY 電源線，受保嗎？
   如果非因個條線引發賠償，燕梳公司好小咁細心 check 你線是否 DIY
   (有前科另計) 如果係消防處報告指明係因某電器做成火境，燕梳公司當然會
   留意電器及其附屬配件是否合乎香港法例及有否被改動

3.牆身座自已換，受保嗎？
   理論上如果你唔係領有合法電工牌當然唔得! 但如果唔係因為整間屋電路出現
   問題既 case，好少追研邊個師傅搞

4.用 13A 蘇，但走 Fuse，受保嗎？
   如果產品原先設計有 Fuse ，無論走定改幾多 A 都已經唔合乎香港法例，
   一旦証實由該蘇頭引發意外，又証實到唔合規格，當然無得保

5.用美式電源線加英式轉換頭，受保嗎？
   件產品合法途徑在本港買入，供電設施及配件又合乎規格就實保


其實據做 claim 既朋友了解，當某情況灰色地帶時，可能要用大量資源先証實個 case 有問題可以唔賠，通常佢地都會取其較易處理既做法，當然有前科參考就另計。大家如果擔心一旦意外發生有無得賠既問題，除直接參考有關投保燕梳公司外，最好學師兄話齋 ...
用個件影音器材就算，唔好霖住點玩!



每個人價值觀唔同，自己平衡後作取捨，好難一概而論誰對誰錯!

諸星當

wil-wil兄

若用美式拖板，拖板係美插 outlet，只是拖板的電源線用英式頭，是否都等同轉頭原理，會受保呢？
你好勁呀，咁難都識答。

wil-wil

勁就唔咁認，不過屋企人做過同燕梳有關既工作，身邊又好多做燕梳 claim 既人，自己搞 Event 又要買燕梳，所以了解多! 我地搞野如果真的須要美式供電設施，係燕梳方面會通知佢地加 Loading 先可以保到，當然都要比機電工程處 check 張合格証明先投到保，都幾煩架!

講返你個問題，其實一見到美式野，做燕梳 claim 班大佬心中基本都有個答案，就係唔合乎香港法例點會有得賠! 但你個頭係 13A 英式又睇落合法，咁就要睇個施板 ...如果証實係合法買入 (包括賣比你個間舖都要合法入貨，即該件野以通過機電工程處測試合格) 咁先有條件作賠償。到你 plug 係上面既器材，其實基乎肯定唔合例，行貨既電器野點會見到美式插 ...

所以我上面最後講:
1. 直接查詢有關投保燕梳公司既條款，因為遊戲規則可因個人要求隨時有唔同
2. 擔心保險賠償問題 ... 請用個件影音器材就算，唔好霖住點玩! (某師兄既名言)
3. 每個人價值觀唔同，自己平衡後作取捨，好難一概而論誰對誰錯!

wil-wil兄

若用美式拖板，拖板係美插 outlet，只是拖板的電源線用英式頭，是否都等同轉頭原理，會受保呢？
你好勁呀，咁難都識答。 ...
諸星當 發表於 2009-6-17 15:48

李雲迪

玩還玩 安全d好  屋企d老婆仔女無孤 唔好因為自己想就去做