~開箱~Focal 826V (法國妹黎喇.....)

powpow~ · 發表於 2012-12-28 16:41

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

各位師兄~大家好!!!!^.^
小弟係新手一名~係76網都爬文好一段時間喇,係到都學到好多野,都好似有D中中地毒!!!
近日好開心買左人生第一對既前置喇叭(826V),喜歡佢既外型,全程法國制做,出名高音正!但底音真係欠小小喇~
開頭諗住買有BI AMP既喇叭,想試吓玩雙線分音,但可惜遇不到心儀既喇叭!!!
呢3個月兜兜轉轉.....都係FOCAL最岩FEEL!!!我相信一對好既喇叭吾洗BI AMP都可以好出色的!!!
我上網做過資料搜集,呢對826V應該係07,08年既產品(吾知有冇錯)....心諗買佢會吾會舊左D呢????
我又買得心急~但憑住一句(我鐘意),我要任性一次喇!!!哈哈.....
所以興奮地...嘗試吓開文同大家分享吓!!!
其實我D品味可算係怪怪的,喜歡用2.1聽流行曲,因為鍾意重底音!!!(正常人聽歌都係兩聲道就得架喇)
我既訊源係由電腦>>>HDMI>>>Onkyo 809>>喇叭~(現在開始學人聽WAV檔,同MP3檔比,真係有分別)

小弟咩都吾識~希望各大師兄可以指導一吓!!!

OK...開始開箱!!!(用電話影得吾係好清)見諒....

P.1 (個箱都幾大~)

P.2

P.3 (好似有條屍訓係個棺材到...哈哈~)

P.4 (興奮......)

P.5 (底坐)

P.6 (配件)

P.7 (上好4粒羅絲)

P.8 (企好.....嗦呀!!!)

P.9 (歸位...都好重吓!)

P.10 (帶番個Bra先....哈~)

地方有限,做住走鬼檔先!因為個40吋魚缸重諗緊要吾要~佢咀住左個(騎樓)門口出入,聽歌既時候,右邊隻喇叭要搬黎搬去!!!

~最後~附送一條巾抹汗!!!!(講笑)

木耳聽後感!!!
聽左兩個幾鐘....可能未煲既關係,D聲好似有D硬硬地....但D高音真係好正,好清,真係叮叮聲,特別係琴聲!!!!
可能我之前聽開果對係美國廿幾年前既CERWIN VEGA書架!!!<<<係哥哥以前買落的!!!
下一步我想換左條雞雞喇叭線,我都睇中左CARDAS 既Crosslink 1s廠線...見柏裕有得買2.5M=$1.5K(未折)
爬過文話呢條線係厚聲底~可以夾聲底薄既喇叭!!!咁FOCAL聲底薄,咪好岩用囉???
請各位師兄比小小意見!!!

~最後總結~
買座地喇叭都想左好耐架喇,依家終於買左喇~對於我黎講都幾貴~始終呢件係開心既事!!!
係買喇叭呢個過程,其實都有D迷茫....自己又吾係好識,又冇人教路,又驚比人老點~唯有上網睇吓資料!!!
都算幾艱辛...有時真係睇到眼都盲!可能呢個就係玩音響既過程啦!!!哈哈......
(76影音網)真係一個好好既平台!!!令我獲益良多!!! (感激各位師兄)