Accuphase or Mcintosh

kayulai · 發表於 2012-12-28 00:23

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

如題！
最近不斷刨文，四出張羅，希望從中找到自己嘅心頭好。
雖然到現在仍未能確實做到決定，但想分享一下試機嘅心路歷程。

當然大家聽到我咁講，梗係想我有嘢要呻！一半一半啦！

先講講旺角試Accuphase E460嘅經驗：個sales都好欣勤，問我是否趕時間（我梗係話唔趕啦！），
然後便開咗個房比我「慢慢」聽，隨後便問我聽開什麼音樂，一連聽咗幾首歌，看似好正？？
可惜係個sales每播完一首歌，就問我覺得怎樣？每次都話現在落單，下午就可出貨！俾我一種趕住收工嘅感覺，
結果？梗係無買嘢！

然後到Accuphase的代理（中環店）：無得試，唔緊要！但入到舖，個Sales當我透明一樣，自己keep住打手機，
可惜他遇著我這些窮追不捨嘅顧客，於是我便厚起面皮，問他何時有得試，
他就叫我到荃灣或旺角...
於是打電話到荃灣分店，個sales話現在無我要嘅model，要我打電話到大昌總行（我想係類似headquarter之類），問
何時有貨送？

於是我直接同Headquarter的職員講，係荃灣嘅同事叫我打嚟問貨期，接著個職員反問我，
點解荃灣要我打嚟？？？
結果？梗係無買嘢！

原來一心想買金仔！因見好多都用，但有以上經歷後，我開始找其他相類似嘅品牌 ﹣Mcintosh：

今日剛巧到尖沙咀，知道有間XXGallery，有賣老麥，於是便上去望望。
入到舖連我在內有3位客，2位sales，其中一個見我看合併機，便問我想看什麼？知悉後，
他便引我到試聽房，一連播咗3首英文歌，然後問我覺得怎樣？我沒有回應，他便問我平時聽開什麼...
然後又一連播咗多首樂曲，期間我向他查詢有關老麥嘅一D資料，如配什麼喇叭等，有問有答，大家更交流咗玩HiFi嘅經驗，
隨後我向他表示未揀定（金仔or老麥），到走時，他給我一張名牌，著我下次可再來試真一點。