車死人仲咁囂張.....

aegysd

我覺得d小巴司機好多都是咁, 我指態度.
我搭開既果條線, 可以話10個有8個態度好有問題.
我已經唔使要佢地笑面迎人咁, 最起碼唔好擺起個惡樣先啦.
Phoenix 發表於 14-6-2009 17:57

絕對同意，10個有9個都衰到不得了，剩番嗰個最多係無乜嘢，一定唔會nice。

Westdoor

極速紅頂Van司機零辰四時由老鼠州行青山舊路出荃灣,＋五分鐘內完事,全程雙白爬頭五次,瓢移三次,響軚N次.均速過百.全車客卻半夢半醒,我雖曾係落過track,都覺唔易揸到咁嘅境界.

skeung

我比較怕死.層多次出聲叫以下:
喂師傅唔好開吟快好喎.
不過每次都只會係我出聲.唔通係我自己有問題還是香港人已經膽生毛或無人敢出聲?

劉一舟

其實嗰個位真係好危險，讓路位又要隊出少少才能望到右邊有冇車嚟，你架車一慢落嚟啲行人又喺你架車面前行嚟行去，而且一轉左就係巴士站，少啲注意力和唔留神就瀨嘢....

otigero

呢個人有問題啦.撞左咪停車囉.都唔知佢點解可以衝上行人路.仲要行左一個街口先識停.係條街仔轉灣出大路.有幾快呀.完全冇停車意識

wil-wil

落過 track 咁勁 ... 乜野分享!?

極速紅頂Van司機零辰四時由老鼠州行青山舊路出荃灣,＋五分鐘內完事,全程雙白爬頭五次,瓢移三次,響軚N次.均速過百.全車客卻半夢半醒,我雖曾係落過track,都覺唔易揸到咁嘅境界. ...
Westdoor 發表於 2009-6-14 19:44

小龍

小巴司機「篤波理論」辯駁 ....旺角車禍中肇事小巴司機受盡千夫所指，他昨首度開腔駁斥全城指控：「唔關我事㗎！」還以打桌球來形容當時巴士是「Q」棍，小巴是白波，被擊中後失控才肇禍。
肇事小巴司機「阿超」（三十四歲）原應留醫，至昨午溜返西環住所，隔着鐵閘首度開腔接受記者訪問。他澄清：「個事實根本唔係咁！我都覺得好傷心、好難過！」「阿超」稱當時巴士衝燈尾，他轉出旺角道時已無法閃避。他又以「篤波理論」來比喻，解釋：「我架小巴係一個白波，架巴士就係『Q』棍，一篤埋嚟，我架車梗係彈開撞上行人路啦！」他續自辯稱：「我覺得最大責任唔喺我度，係個巴士司機！」

咁都講得出

阿定

吹水都吹得合理d，就算真係巴士篤佢尾，係果條街經親的巴士都要埋站，邊可能篤到一間小巴大半條街，果時巴士車速快極咪40-50，撞一撞飛咁遠，拍戲咩！

劉一舟

而家拗都無謂，最重要係睇吓大家當時車速有幾多，同埋兩車撞擊點在那裡，才能計算到當時點解小巴可以喺佢咁講嘅 "篤波理論" 速度造成咁大嘅交通意外，據報章講小巴橫掃行人路60米時係冇煞車痕，這證明係個小巴司機完全無煞車意圖定有其他原因呢？去年我喺佐敦道串燒四兄弟，我架車排第二，最尾嗰架benz衝燈尾撞正我後面嗰架的士，個衝力都可以令我隊咗前面嗰架的士度，呢啲唔通就係 "篤波理論" 內的 "折shot"???

ahnel

而家拗都無謂，最重要係睇吓大家當時車速有幾多，同埋兩車撞擊點在那裡，才能計算到當時點解小巴可以喺佢咁講嘅 "篤波理論" 速度造成咁大嘅交通意外，據報章講小巴橫掃行人路60米時係冇煞車痕，這證明係個小巴司機完 ...
劉一舟 發表於 2009-6-15 12:03

好彩係"折shot", 唔係整個"七重天"就pk喇~