金禧之聲 - KEF LS50 小小分享

odin1983 · 發表於 2012-12-15 01:32

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

javascript:;

近排搞完十週年，發現自己唔係好對得住小瑟，因為家父病左，成日要入醫院做手術，所以好場上黎個板玩，甚理荒廢板務，呢期無乜野出，反而小瑟佢晚晚都有野出，仲生多左個，祝你個B健健康康。我得閒會搞下個板XD~唔好打面！

自已唔係咩音響專家，玩音響只係滿足個人欲望，自己平時最鐘意「味精」，所以唔知道咩叫「好聲」，之所以特別會分享係呢隻喇叭幾次試聽，聽感都有好大分別，小弟最初試聽LS50係HI FI SHOW，LS50比我最大印象係聽感極差，聽完後心都涼埋，音牆不夠寬闊，聲音鬆散，雖然知道同環境有關，不過都對佢無咩好感。

開始對佢有興趣，係Post76的CD比拼活動，聽感幾得人驚，書架喇叭係大房可以有壓場感，低頻夠，同HI FI SHOW比簡直是「天與地」比，當然用過百萬器材去推不好聲可以掉左佢，當左佢，甚至可以「湯」左佢。但係呢隻野用係百萬器材都有唔錯發揮，已經值得係板主群之間互相放毒，只係有九爺太有錢掛住玩相機，祺哥同小瑟掛住玩個女，雷總又話唔玩兩聲道，所以無人中毒。但呢個時候好死唔死有人借比小弟，就一炮過毒死左我啦~

識我既都知我係房仔玩，用北極星DAC 32夾Roskan M2去推QUAD 9L2，結果比100萬以上器材差好遠，因為房仔環境細，自己套野又係入門，做唔到Show Room效果係正常，個聽感其實都幾滿意，音牆寬，聲底爽快，動態非常強，音色中性。一貫鑑聽喇叭聲底，人聲少少暖。特別之處在於動態同低頻，同一般書架喇叭比呢係非常之唔錯，整體聽感好全面。如果要硬要用QUAD 9L2比，LS50只輸在人聲厚度同濕潤程度唔及9L2，因為單元結構問題，LS50用鋁單元，唔會厚聲但其他方面全部都輸比LS50 10條街，訊息量，細節同離箱感都係「恐龍級」，雖然同座地都仲有距離，但你聽到聲一定唔會估係書架，因為動態好，聽開小品我都突然聽多左大棚野。價錢?雖然接近5位數，但同級黎講非常平，咁大家會覺得我聽完一定會科水，但我最後又無買到，因為我買，可能要換下其他野先夾到，我真係唔敢買，老老實實，如果你食緊書皮，打死都唔好去試聽，因為好易會中毒，但你有錢又身痕，不妨諗諗佢，最多買左唔岩我同你收又點話~~~呵呵！