不入Q穴 焉得Q指

louis001

今天小弟和幾位師兄有幸得Q姐邀請可一探Q穴 聞說曾探Q穴者 輕則傷痕累累 重則五勞七傷
我們本著我不入地獄 誰入地獄既心情 決要一探Q穴

由於人數眾多 所以皇帝位要輪流試 所以現分享既都係自己坐於皇帝位既感受
一到埗已被一套Dali 所吸引 另重有SMK+Y記  先黎一套自己經常都試既大炮逃獄
低頻量大而實 先由腳掃上心口再由背脊再掃落腳 個種低頻味唔係親身體會絶對唔會相信低頻可以做到咁
再試大炮橋上決戰一眾師弟妹 都能夠比到自己一種全新既感受 由大炮在斷穚另一邊環繞圈 低頻竟然可以
有方向性地沿著身邊自轉 再到大炮著地向猴子打出點穴一拳 真係可以感受到個一拳由自己心口再穿過背後
仿如自己中拳一樣
再試黑夜之神 呢隻都係自己經常試既一段 譢道攔截戲 一開始已感受到低頻段段壓迫感 到joker 開槍環繞聲
火箭炮發射咁爆炸大小低頻細節 batman 車爆開每一部份不同低頻音效 Q穴都可以做到量大而不失細節
真係唔係用心去調教及測試 我相信絶對唔能夠做到有咁既效果 真係低俾讚
跟住Q姐話 呢的 碎料黎姐  俾你地聽下乜野係低頻既方向性
然後再試Q姐成日推薦既忍者刺客 先試不同方向槍聲 真係可以感覺自己中槍部份黎自不同方向 係你地冇睇錯
真係自己感覺到 成晚最令我印象深刻就係鐮刀由遠向電視畫面一畫 我整你個制
你真係可以感受到個一刀由你左手面穿過你心口再係右手邊出 呢一刻我就真係明白乜野係低頻方向性
所以好多謝Q姐另我感受到低頻既另一種味道
再黎試下索下K 同我一齊黎既師兄已經準備好CD 黎踢館  又睇下你有幾得
先試久石讓 一開聲 整個音場闊而潤 每隻樂器都能充份表現出應有水準同定位 就算大合奏都能表現清楚 抵讚
再試人聲 久違了既許茹芸出場 輕輕唱出留低鎖匙 音樂聲充斥著整過空間 歌聲有感情 但略嫌不夠甜美
可能係300i未煲熟之固 但整體表現也相當不錯 但羅敏莊部份不知是碟問題還是300i問題 好老實表現真係未如理想
Q姐見你班粉腸作客都咁大擔俾隻咁野我玩  我一於主場出擊 播左一隻日本歌
(唔記得係乜野名同邊隻請Q姐補充 ) 個種好聽既感覺即刻返晒黎 鋼琴表現如原音 女聲部份歌聲甜美 追回不少分數

最後要多謝H君 耶君 Q姐同各位師兄分享各人既AV心得 你們既執著測試及調教 才能有今晚令我可以大開耳界
今晚真係令小弟獲益良多 希望第日有機會大家再交流交流
誰說AV路是寂寞 袛要有愛 你一定可以找到你喜愛既味道同聲效
PS 所謂Q指 即係得到Q姐指導咁解

qq1122yq

做乜义仲唔瞓？

今晚好高興識倒你地幾位師兄就真，招呼唔倒失禮晒...

p.s: KOKIA 第一隻歌：我是一隻歌唱的小鳥

louis001

qq1122yq 發表於 2012-11-18 03:29
做乜义仲唔瞓？

今晚好高興識倒你地幾位師兄就真，招呼唔倒失禮晒...

又食又拎我多謝Q姐就真啦 好慘呀我同另一個師兄撘唔到港鐵尾班車 要係美乎轉車落旺角先再轉車返屋企所以咪咁夜囉
順便睇埋曼記場波 而家去訓咯

guly

Q姐啲設備出晒名夠毒架啦!!  

alice72714

qq1122yq 發表於 2012-11-18 03:29
做乜义仲唔瞓？

今晚好高興識倒你地幾位師兄就真，招呼唔倒失禮晒...

今晚有事去唔到Q姐毒氣室試毒,好慘!成晚心思思訓吾著,希望下次去到試毒.

accustic

alice72714 發表於 2012-11-18 06:56
今晚有事去唔到Q姐毒氣室試毒,好慘!成晚心思思訓吾著,希望下次去到試毒.  ...

When is the last time lei?

alice72714

accustic 發表於 2012-11-18 06:58
When is the last time lei?

是昨晚.

tsuiyuen

alice72714 發表於 2012-11-18 06:56
今晚有事去唔到Q姐毒氣室試毒,好慘!成晚心思思訓吾著,希望下次去到試毒.  ...

大家咁話，我就病左，無謂增加毒氣室毒素啦

alice72714

tsuiyuen 發表於 2012-11-18 10:31
大家咁話，我就病左，無謂增加毒氣室毒素啦

CHING有無去過Q姐毒氣室?

tsuiyuen

alice72714 發表於 2012-11-18 11:41
CHING有無去過Q姐毒氣室?

本來約左yesterday lor