梅豔芳cd

mankoo米高 · 發表於 2009-6-5 22:10

本帖最後由 mankoo 於 2009-6-5 22:11 編輯

阿梅係'香港的女兒' 佢的故事都無乜香港人唔知. 我只能分享阿梅與歌迷的故事. 但唔知你同其他師兄有無興趣聽, 我驚悶親你BOR.
avgirl 發表於 2009-6-5 20:53

(只要仲有一個觀眾肯聽，佢都會用心去唱) 呢啲係咪阿梅精神？

avgirl，如果係，我想聽！

a888 · 發表於 2009-6-5 22:31

(只要仲有一個觀眾肯聽，佢都會用心去唱) 呢句係許志安的精神. 安仔係見到佢師父的毅力而覺得自己應該有咁既精神.

好啦,諗到ANITA的一個小故事同大家分享. 呢個故事係由林姍姍係電台節目中講的:
話說1987年的RTHK頒獎禮, 阿梅上台攞金曲獎'愛將', 當天佢發燒燒到103度, 好暈下暈下之下自己化粧(當年係無御用化粧師, 乜都自己搞掂), 現場的工作人員都覺得佢無可能上到台唱歌. 但阿梅為了唔想令歌迷失望, 主辦機構為難, 佢堅持上台, 而且係台上面無人察覺到佢發緊高燒. 當唱完成首歌個升降台落番台底的時候, 佢就成身軟晒要幾個人抬佢走. 當時草猛仔同佢伴舞, 目擊整個過程都目定口呆.
無論點都好, 一上到台就要做到最好...THE SHOW MUST GO ON !呢個就係梅艷芳精神.

以下呢段就係當日的表演片段

mankoo米高 · 發表於 2009-6-5 23:36

(只要仲有一個觀眾肯聽，佢都會用心去唱) 呢句係許志安的精神. 安仔係見到佢師父的毅力而覺得自己應該有咁既精神.

好啦,諗到ANITA的一個小故事同大家分享. 呢個故事係由林姍姍係電台節目中講的:
話說1987年的RTHK ...
avgirl 發表於 2009-6-5 22:31

除咗近鏡見佢眼神無哂力同光彩，其餘真係睇唔出佢103度燒，好嘢！

mankoo米高 · 發表於 2009-6-6 00:20

本帖最後由 mankoo 於 2009-6-6 00:21 編輯

顧嘉輝，黄霑，真友情演唱會cd
disc2 第11,12隻歌係梅豔芳出場做特別嘉賓，
11.心債，12.情比雨絲，當唱完心債，顧嘉輝同黄霑走出嚟講歷史

當年新秀 (應該係第一界，有無錯呀avgirl？) 顧嘉輝係主席評判，
黄霑就坐喺顧嘉輝則邊一齊比分，梅豔芳唱完..
黄霑比50分 (註：50分係滿分)，顧嘉輝諗咗陣就話：
"藝術"係唔應該有滿分嘅，夾硬減一分，49分，
二人回憶時說自己一生人都未試過評滿分比人，

之後顧嘉輝同黄霑寫咗第一隻歌比梅豔芳唱，
當時佢哋二人覺得隻歌本身都已經幾難發揮 (更何況係比一個新人)，
錄音時二人特登一早走上去監場，諗住現場一邊聽一邊慢慢教，
當梅豔芳錄完走埋去問二人覺得點，有咩地方要改，
顧嘉輝同黄霑二人互望一眼，黄霑話：改..仲有乜好改？收哂貨啦！
( 隻新歌叫做：心債 )