光波爐煮食如BBQ 患癌機會增

TonyTDK

利用遠紅外線加熱食物的光波爐（圖），以零微波輻射作招徠，取代微波爐成為廚房新貴。城市大學生物及化學系副教授林漢華指出，光波爐煮食原理與燒烤相若，常用便等於「日日喺屋企BBQ」，吸入致癌物的機會大增。他指出，以光波爐或焗爐加熱食物時，燒雞的致癌物較燒牛肉勁10倍，「最好少啲用嚟燒雞肉」。
林漢華解釋，動物肌肉含有肌肝酸，在快速加熱時，會釋出致癌物雜環胺（簡稱HA）。各種烹調方法中，燒烤的溫度最高，可達攝氏300℃以上，最容易產生HA；其次是油炸、煎炒，而且烹煮時間越長，HA越多，但蒸和燉不論煮多久，只會產生極少HA，較為健康。
林漢華續稱，不同肉類所含的肌肝酸各異，產生的致癌物也有分別，以燒雞的HA最高，其次是豬和魚，燒牛肉釋出的HA最少，蔬果因為不含肌肝酸，故不會釋出HA。
他表示，偶爾燒烤只會輕微增加致癌風險，但近年光波爐成為新興煮食方法，「佢用紅外線發熱，再配合熱傳導、熱對流技術，嘢食由內至外煮熟，原理同BBQ一樣，日日用，同日日BBQ無分別，胃癌、乳癌、直腸癌機會增加」。
http://hk.apple.nextmedia.com/news/art/20121104/18057214

emuho888

生有時 死有候 邊驚得咁多 加上無可能味味餸都用佢嚟整

fuman0123

壞消息嚟喎

talestar

以前又話微波爐有幅射 咪大把人日日用黎叮飯
個d 倍數先好笑
假如0.001% 大10倍係0.01%
即係講係無咩意思

teddyng637

我都覺得生死有定, 唔驚得咁多...........

ilavbnm

我個光波爐買左半個月咋...
今晚仲打算用佢整野...算...食完再諗啦....

是日晚餐

原本打算用光波爐整...依家...都係用光波爐整...

emuho888

ilavbnm 發表於 2012-11-4 18:13
我個光波爐買左半個月咋...
今晚仲打算用佢整野...算...食完再諗啦....

一定好好味

ilavbnm

emuho888 發表於 2012-11-4 19:16
一定好好味

金翅失敗鳥...件牛排老得滯...好韌........
今次係我第一次用光波爐整牛排...完全控制唔到火侯...
唯一好彩o既係...今次只係買件幾十蚊o既牛排做白老鼠...
如果唔係...就真係損失慘重啦.....


P.S...就算唔講韌唔韌...試過今次之後...我覺得牛排都係煎好味D...
因為用光波爐會無左煎果種香味...{:9_422:}

emuho888

ilavbnm 發表於 2012-11-4 21:16
金翅失敗鳥...件牛排老得滯...好韌........
今次係我第一次用光波爐整牛排...完全控制唔到火侯 ...

下次整第二樣嘢囉{:9_404:}

jt24

ilavbnm 發表於 2012-11-4 21:16
金翅失敗鳥...件牛排老得滯...好韌........
今次係我第一次用光波爐整牛排...完全控制唔到火侯 ...

叮噹，就係因為塊牛扒平，所以致失敗呀！下次買塊和牛一定成功！{:9_407:}