Luxman 產品

beerboy · 發表於 2012-11-8 14:01

Buckethead 發表於 2012-11-8 13:20
多謝先，好耐無上黎喇

繼續rock n roll ......

Buckethead · 發表於 2012-11-26 12:37

本帖最後由 Buckethead 於 2012-11-26 12:39 編輯

咁多位c hing 久等喇，請原諒細佬我咁遲先出post。
因為實在太多野做，D時間錯晒，搞到個人又虛虛地。所以依家先出到野，慘！
請大家俾些少時間睇睇小弟出既野。

打左好耐先出到架

Buckethead · 發表於 2012-11-26 12:39

今晚好難先同朋友夾到時間上佢屋企聽佢果套組合Luxman L-505u,喇叭係我意想不到的Yamaha,從無諗過Yamaha有咁既喇叭(唔係出鋼琴架咩),據說是古董.叫NS-1000Monitor.好簡單既設計不過可以較高、中音,每個單元都有鐵網包住。對於我呢個初哥黎講，呢對喇叭好Classic。(感覺好似我仲未拎果對JBL差唔多)
L-505U和Yamaha俾我呢個白痴新手黎講, 無一般日本機的太多高音,反而人聲出奇地覺得幾有感情,亦打破小弟一向覺得只有膽機才會人聲靚的感覺。播放心愛的Metallica S&M(與三蕃市管弦樂團 live)時,Rock & Roll的氣氛不斷送出,感覺到歌手那份熱誠彭拜,叫人興奮,身體亦隨著節奏不停係咁up,對Yamaha真厲害!! 朋友話我當時播呢隻碟係咪考驗緊佢套器材。因為佢話都好難播(哈哈，我鬼知咩，係公司隨手攞左隻碟就行)！整體我感覺到成個樂團係喇叭後面都幾像真、樂器既位置都幾清晰，唔會好似一碟干炒牛河(兜亂) 咁。聽左幾首由細陪到我大的歌後(One、Nothing else matter、Sad but True，wherever I may roam，Fuel同The memory remains)朋友個女友問我係咪黐左線，咁鬼嘈佢做唔到野。真係唔好意思！所以換了蔡琴的民歌,是誰........,馬上了解到劉健明同陳永仁係套戲入面試緊乜,人聲的準確性都幾高(唔好問我有幾多樓咁高….etc),清楚地聽到蔡琴的個咀既開合, 呢個組合幾有驚喜,再一首都唔知咩歌(好似叫渡口),鼓聲很有深度一下接一下, 好似係好遠打過黎咁, 好鬼過癮。朋友的CD當中,有一隻叫鬼太鼓, 果隻12寸既低音單元, 好似唔使力咁就整到成屋都低音,但又唔亂喎, 當時我諗唔知係擴音機推得好定係對喇叭太堅呢(我心諗)。試到呢度，朋友個女友再走出黎笑笑口咁對住我講(當時已經係凌晨一點半) ，你都試左咁耐啦又開到咁大聲，電費方面介唔介意夾番份呢？我再望一望錶，嘩！咁早架喇，不如我請你地食宵夜補數當打和啦。就咁我既505u測試就完結左。