作為香港設計界小小既一員, 睇到直爺有咁既疑問, 都可以回覆少少既....
究竟"香港本地廣告幾時先去到尼d級數", 首先要諗既係, 香港本地既廣告究竟可以比到幾多價錢去做廣告呢? 一向本地公司既大員都認為, marketing係一個燒錢既行業, 做幾多嘢都係一啲我地所謂"brand building"(尤其係呢個卡記廣告咁), 並唔可以為公司直接帶來收入, 香港大員要既係快錢, 所以寧願請3000個sales, 都唔會肯拎多幾蚊去做廣告. 數百萬甚至過千萬既大製作廣告, 對比幾萬蚊既"宣傳易", 大多會選擇後者, 只要有嘢出街, 係平既就得...
就算有公司肯比數百萬甚至過千萬做大製作廣告, 大家通常會見到既都係由大明星掛帥, 一個大頭樣大叫隻product好正咁就收工, 而呢啲廣告都會用超過八成製作費喺個星到, 客戶既要求都係要你將個星拍到有咁大得咁大, 再執佢靚啲, 同埋佢點樣講隻product有幾好....不過呢個做法唔止香港係咁, 家下全球熱話既"no.5"都已經成為全球笑柄, 7000萬美金送比個傻佬亂up一通....
至於所謂既"創意"廣告, 宜家喺香港真係少之有少...需知道香港做廣告最重要既係客戶, 而客戶裡面最重要就係大老闆, 而大老闆通常賴係一半正經成日以為自己乜都識係神咁. 如果你sell佢創意, 佢經常養專處優點知你講緊乜春, 唯一辦法表現其神之狀態就係"bang". 所以宜家見到既廣告通常都係咁上下款, 賣車要講架車有幾靚, 賣樓一定要有個鬼婆著好少行嚟行去, 賣奶粉就一定係個o靚仔食完有幾醒神...咁既情況, "創意"又何來??
就算係有啲少數肯比設計公司去諗嘢既客戶, 都係一定要搵"大牌"公司(我地稱為4a), 因為名牌效應. 但係4a公司其實裡面都係分team去做, 你估下下都真係設計公司龍頭creative director去幫你諗咩, 咪又係啲o靚去諗. 但係呢啲公司好多都因為budget所限(佢地都食咗唔少), 咁留返落嚟真係去做production既就真係好少, 咁樣又點會有好嘢出呢....
當然, 又唔可以完全怪客戶, 香港填鴨人生活的確做咗好多個腦無咩得轉既人, 宜家要搵到以前咁勁既廣告人真係難, 想搵返個有霑叔咁上下既, 全香港都未必再搵得到. 設計廣告行業少錢又長時間工作, 生活咁慘已經唔會好似以前咁比你用一個星期時間去諗一條橋(通常你有1-2日去諗已經係皇恩浩蕩). 而心態上又會覺得個客戶要既嘢都係咁上下, 出storyboard有星有product就乜春都搞掂, 諗埋咁多嘢又要解釋又要受人bang之苦, 真係諗都費時....
講咗咁多廢話, 希望可以答到少少直爺你呢個問題, 不喜勿插~~!!!  |
[複製鏈接]
發表於 2012-10-26 13:49
但係講內裡設計意念同效果, 嗰個廣告真係一絕~~!! 
所以好多設計公司寧願唔做tender....
