Note 2代用電價錢好參差.....≧﹏≦

fuman0123

買咗Note 2就嚟一個月，一出即買，舊電真係比S3強{:9_404:}
強還強對於我呢啲機不離手嘅人嚟講，始於真係唔夠用，我先前用電話不嬲都用幾舊電 唉...真係難頂！
原裝電又無得買，代用電又無得買，捱咗成個月咁制，前兩日上網得知有人報料MOMAX代用電王終於出咗NOTE 2電
對我嚟講真係喜訊 師兄報料話黃金地庫，正都隔離有得買，即以前買4仔個間舖呢 買$149
今日放工去諗住買啦，去到居然加到$158喎 好都諗住照買順便買埋個叉兜點知個叉兜無貨喎
咁我行去第間揾下有無叉兜，有先返轉頭買啦，行到上第二間都係無叉兜，但有代用電居然買$188
谷鬼氣上咗高登自動電梯之後直行到尾，都有間買呢啲嘢，我問佢有無Note 2電，四眼哥好大聲話有 問佢買幾錢？
四眼哥大大聲話$118 我即刻大大聲答佢，俾舊我呀唔該 (樓上樓下差幾十蚊夠我食餐晚飯 )叉兜當然佢地都無啦！落返黃金地下個層，俾我揾到個淨叉兜，可同時叉電話同電85蚊，呢隻有個好處淨兜用自己火牛嚟叉，叉得夠快{:9_426:}
另一隻買40蚊只可淨叉電有內置火牛，不過呢種我以前買過，叉得好Q慢，無6至7個鐘都叉唔滿！！

Note 2有個好處就係用代用電都可用到NFC功能，因為NFC粒晶片係個背蓋到！{:9_404:}
S3嘅NFC晶片係舊電到，想用呢個功能就焗用原裝電先得{:9_436:}

阿定

momax電唔足數的，我比較喜歡用品勝，價錢的話，兩者來貨價都係四五十而己！無熟人可以靠淘寶！兩個品牌都有淘寶正貨賣

aiken

我訂左note 2 lte灰色仲未有機拎已經係淘寶買左D.Seven代用電番黎,都係幾拾蚊,宜家部note用緊D.Seven都幾ok,所以都有信心再用。

fuman0123

阿定 發表於 2012-10-25 00:12
momax電唔足數的，我比較喜歡用品勝，價錢的話，兩者來貨價都係四五十而己！無熟人可以靠淘寶！兩個品牌都 ...

多謝提供資料，我本想買正廠耐何還未出！
代用電我都預咗唔足，不過有啲真係差好多
剛剛搜尋過品勝資料，幾多人都讚喎，等我下次買電都留意下呢隻品牌先！

fuman0123

aiken 發表於 2012-10-25 03:17
我訂左note 2 lte灰色仲未有機拎已經係淘寶買左D.Seven代用電番黎,都係幾拾蚊,宜家部note用緊D.Seven都幾ok ...

我買電時都見到有隻不知名嘅note 2電，幾草嘢有交易，但未用過無乜信心，所以揀MOMAX囉 我都覺代用電(我揾到最貴個間計啦)成兩舊咁制，真係搶呀 加多啲買原裝好過！
接近100都合理嘅
多謝師兄提供資料，你隻D.seven電外型都幾靚仔喎

kayin008

好消息呀...thx fuman....可以唔駛袋住個"尿"袋

fuman0123

kayin008 發表於 2012-10-25 10:00
好消息呀...thx fuman....可以唔駛袋住個"尿"袋

客氣師兄
另幾位師兄推介都係幾十蚊粒，你可問下佢地邊到買呀

ilavbnm

Note 2 一出即買...有錢人真係好...

ilavbnm

我玩過老細部Note 1兩日...我仲考慮緊...好唔好買部比自己...
但係咁樣...今個月就要額外洗成9000幾(老細部機剛剛買左幾日)...錢呀...錢呀...

aiken

fuman0123 發表於 2012-10-25 07:49
我買電時都見到有隻不知名嘅note 2電，幾草嘢有交易，但未用過無乜信心，所以揀MOMAX囉 我都覺 ...

呢隻D.Seven我都係網上d人用開話幾好足電,我又search過下間公司都好似信得過,咪膽粗粗買黎試下,用落真係唔錯,最緊要係價錢合理
反而我跟機果粒samsung原裝電,用左大半年發脹左,好快走晒d電