Shure-SE535 Vs Shure-E5C VS UE-TR10PRO 的馬夫測試報告.

SUEDEHK · 發表於 2012-10-23 17:47

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

Shure-SE535 Vs Shure-E5C VS UE-TR10PRO 的馬夫測試報告.

LO-FI手提機下的表現

Muse-The 2nd Law 內surival, Dire Straits - Money For Nothing
手提機上，535 的弱bass ,聽得沒勁，打鼓好似hi 下個鼓就算,不過引。10 pro 係手提機上發揮不錯，有底有高。。但沒中，有點浮，唔實淨。但電結他聲加好多分，好high!至於e5!嘩一聲，d打鼓力度狠勁，有回彈！聽rock 很開心，係音場唔夠闊，像耳邊唱歌，但超hyper!

STUDER D732 CD機下的表現
(因是專業用CD機,有小MON喇叭之餘仲有PHONE OUT STUDER 應該唔差掛)

Muse-The 2nd Law 內surival 是今次試聽歌最rock 的一首。

se535-比起在手提機時聽感比較好，有番小小bass,音場分析力都是現代的表現很好。但仍不夠刺激,但一直聽很舒服地就聽完整首歌。跟在手提機時表現。。。悶，斯文得滯，直情想即丟左去。但在cd 機下有amp 的情況下，有谷到小小bass 出番黎。但對比用喇叭聽。底音量仍跟正常有段距離。

e5 -嘩，一聽會跟住"un"的耳機，底音強勁，果然pop/rock 始祖王者。但就很埋身，很埋身，好似係你身邊打你咁，拳拳到肉。在手提機跟cd機出來的表現有點增長，但不算明顯,証明手提機都可發揮到不錯的水平

ue t10pro -在手提機下聽ROCK表現最好的，估唔到，係cd機一開聲，有d悶，可能是聽完e5 ,刺激完再接住聽10 pro,有點失落.而且bass 量聽同一首歌，在手提機跟cd 機下表現沒加強，明顯係易推，再比多d都冇得再去。但10pro 有超強項聽電結他聲係直情真的一樣，係你面前搖/solo.但10 pro 在高分析的source 下，缺點現形，中音比較弱,音場是闊，但像隔左一陳野，有點模糊。

用喇叭聽。。。。當作reference 下，535 bass 仍需努力。e5 的bass 節奏跟喇叭最像，令人起舞的耳機，但音場差。有點一舊舊，但節奏感撘夠。音場跟結他聲就10 pro 做得最似喇叭出來的聲，但係凹左中音，有點虛無。

Adele-19 內 "Daydreamer" "Best for Last"

10pro -今次聽10 pro 開始，慘，聽女聲悶，條curve 真係凹，中音凹，呢2 首Adele 有好多轉cord,襟cord 聲，10pro 佢唔係分析底，但弱音係中頻，基本上係弱上加弱,即係冇左好多中頻細節。基本上只聽到ee 聲，正情好似接觸不良的ee 聲，呢方面唔合格.其他不多講，因為失望。

e5-一開聲，shure 的女聲ok,係厚左小小，同冇音場，變左係耳邊唱。d轉cord,弱音出到小小,但仍聽唔到分唔到乜聲，始終年代恆久遠，分析力差小小。到拉大提琴的ee 聲都出得幾好。但在連串doublebass 下，就分析不夠,一舊舊咁出，但仍聽得舒服。

535-一開聲明顯分析音場都在2 者之上，而且adele一開聲,wo.殺哂！因第一首底音不多，真係聽得幾舒服。到第2 首，個大提琴，doublebass 一出。。。。噢。底音不見了。。。再留心聽。535 出底音係有質，係出到果個音係夠底,而且係有分析力的底音有層次得出來。質好。。。但量少得可憐。量少到….不覺有底音。暈底！

喇叭聽-經常係朋友家好高級器材跟acoustic 很好的情況聽這2 首歌,所以知道高分析出來的弱音轉cord 聲係點嘅，老實講，呢3 隻earphone 跟喇叭都做得唔合格。但535 係最得最似的，係分析到出黎。e5 分析不夠但聽得舒服。10 pro,我聽完懷疑我係未插錯線，反左相，真係有點不堪入耳。

Jocelyn b smith –My Way原來呢首my way 今年入了hifi show 隻碟而大紅，好在我早早靚價$28 入左2 隻2 手.

535 -超強橫，聽呢歌首冇底音，只有女高音的live,無論女聲and 現場感，音場，分隔度都一流，聽呢首歌會覺得535物超所值.

10 pro -現場感很好，音場空間女主音位置，觀眾的距離都感覺到，而且做得比535 闊，細節分析亦都出到黎。但女聲冇感情,被比下去，整體唔差，但冷。

e5-噢，明顯音場輸，535,10pro 都分到主音位置，跟觀眾的雜聲的位置有一段小距離的,但e5 就出不到了，連貫左一起，所有聲都圍住你雙耳，但都好聽，有感情，只女主音的聲不會輸10pro,但音場就輸很多。

本來只諗住玩3 首測試我應該留底邊對耳機自用，但好像對10 pro 不公平，2 女1band ,揾多首男聲/band,本人最愛黎試。

Suede-The power

10 pro –先用10PRO開始，唔想被其他影響。說實在聽完，覺得好蒙，本身歌錄音不是很好，聽到隔左陳野,我仲真係懷疑反左相，但最後xlo test 碟都拎出黎check in/out phase,沒問題，這首不多提了，唔知係未輸出唔夾，好似聽緊cassette 咁。。

535 -再一次，帶來高分析同靚音場，底音有出到黎，感覺到了，但比正常的底音少3 成量左右啦.

e5 -又一次輸音場，但出得最好聽的是e5,好連貫，而且要高有高，要底有底。聽到想動，正。

總算聽完寫完主觀感覺,未下到決定邊對留底，但我主要用黎座車/行街(每天2-3小時用)，會考慮到舒適度and only 會考慮手提機上的表現，因我在家不會用耳機。用大機試純粹係想聽下呢幾對野極限and 真正實力(雖則測試都好馬夫and 9 流器材，又沒耳擴).而我聽的9 成rock 到爆炸，所以答案已呼之欲出，E5暫時最合心意.除非我3 對都不要，另覓新歡。。。。(w4r?未聽過，可能要試下先做到決定)

(放假無聊玩下D陳年耳機,本報告純粹個人無聊的心得,並不認真跟公正.)

並送上些日日比人話唔值錢的DISCMAN 照.

果時主力儲的303

全文完