最近新居入伙既黎傾下計呢!

阿定

32# 阿定


尋晚佢打黎話那邊都改好左價, 簽埋名, 但就差我個補簽, 其實你既講法都唔係無道理, 我都諗緊好唔好我玩返野話唔簽, 因為好明顯呢穫野係個地產想博返個回佣多D! 不過如果我咁玩法, 又怕有手尾跟! 真係覺 ...
ewartuen 發表於 2009-6-1 06:35

地產佬10個有9個都係賤人來架，我試過對方開價無問題，佢叫我去簽名，去到又呢樣果樣，拖左我幾粒鐘，然候賣左比第二個，人地比多三萬銀咁大把，我DKLM，想賣多幾萬銀，咪同我講，我心情好，幾皮野比埋你又得，再唔係約我夜d又得，唔好浪費我同屋企人時間，專登走去做候補，頂佢我仲要請假去銀行入錢開票，我都知地產佬信唔過，但無估到賤到咁！

好啦，到我終於買得成，買第二間啦，我同業主講好晒如果銀行批左，可以提早交收，佢又早d有錢，我又早d裝修，幾咁簡單，點知果業主超低能未交收就比左個佣地產佬，咁就PK啦，業主果律師係地產佬介紹，見有水魚屈到盡，搞到我提前唔到收樓，好彩裝修師父係自己人，幫我日日趕工，唔係就趕唔到過年！

件事就咁的，樓主可以參考下，有份唔知咩文件，法律上賣家唔一定要比買家，但買家如果要的話，賣家一定要比埋佢，而呢份文件，理應由發展商跟埋比業主的，總之買家收唔到呢份文件，其實都無問題，交收到，只係最怕賣樓時，新買家堅持要的話，就要比錢去發展商再COPY一份

好啦，對方賣家係一手買入，當時送埋律師費，由於律師費係發展商比埋，所以呢份文件就無跟埋比呢個一手業主，正常人又點會知原來少左份野，有樓收就收，有得住就住！

地產佬介紹果個律師就夾埋地產佬呃果賣家，幾千銀律師費全包，當大家都以為無野的時候，我筆錢批左出來就叫我律師通知對方可以正式進行文件交收，點知對方律師就話呢份野佢地唔需要比，問唔比得唔得，我律師就當然唔會accept啦，對方就拖啦，咁佢果邊唔急，我呢邊都急架，但我agent打去對方agent都無用，對方agent收左佣，完全唔願理，好彩我簽約時醒水問左果業主要電話，我直接打比果業主，頂佢原來律師樓同Agent都無盡到佢地的責任通知業主，d野比律師樓HOLD起晒，跟手我好明確咁同業主講番件事，亦同佢講左果份文件我地一定要的，如果到時比唔到，交收唔到，責任唔係我呢邊，到時要賠訂，佢又煩我又煩，叫佢同佢律師研究下，早d交收，唔好再拖，咁就終於真相大白啦，對方律師樓就話果份文件要再比錢去發展商先拿得到，send信去搞就幾千銀，不過未必趕得到Deadline，如果要趕DeadLine，律師樓就要再收錢，找人親自過去搞，果度要萬幾蚊，簡單d講，即係明呃，我後來聽番我律師講，呢行好多都係咁，全包果價係好平，但去到deadline時就會通知你呢樣趕唔到，果樣趕唔到，明呃你唔識野，要比多d錢，係我立場，又唔係呃我錢，我又唔想節外生技，我無理由提佢其實可以唔駛比萬幾銀，比幾千就得，因為律師樓一定計過度過最後呃唔到錢都搞得到，而以果個agent做開我果層樓，10個業主有10個都係比發展商呃左份文件，無理由唔知會有呢個情況，所以地產佬同律師樓，點計都係信唔過，大家一定要小心！律師費千奇唔好貪平，d前輩話，就算買新樓，送埋律師都唔好用，用番自已的，一來影印費唔會比人屈，二來自已找番果相熟或朋友用過無問題的，睇落貴少少，可能最後條數係番度！

ewartuen

41# 阿定


嘩, 果然經驗之談, 不過呢個市況, 班友想有水濕腳都無計, 果市都唔憂做, 出面真係反價都講緊5-10%閒閒地, 一萬蚊當個佣無免過咁解, 我都唔諗住同佢計啦! 不過絕對多謝你既意見, 最緊要你同家人而家都住得開開心心!

阿定

一萬銀無所謂啦，如果條數大，情願比佣都唔好掉去樓價到，因為計埋TAX，供樓利息，話左話1萬，其實實際支出係兩萬銀架！

通常最常見係 2百零幾萬的樓，會有人要求樓價二百萬，尾數用現金比，慳唔少TAX，不過咁做係犯法的！

ewartuen

43# 阿定


係呀, 呢條數好襟計!

TSZKIT0629

43# 阿定


係呀!好多律師樓個朵好臭架,我果時都係搵地產介紹既律師樓,去到銀行做按掲,
銀行方面講如必須找本行做按掲,必須要我更換律師樓,銀行方面話呢間律師樓好有問題,
表示不想同佢地合作,但我巳付款給律師樓!銀行方面話可介紹另一間律師樓給我,心諗又
要比多一舊錢給新律師樓,由於舊律師樓巳做左一半功作,所以新既律師樓都係收我半價!
當然銀行做既按掲利率真係好正我先行甘做啦!(全期p-3.25有8k現金回贈,當時巳很好)
結果當然冇問題啦!新既律師樓亦跟得好足,又提醒我收樓時須注意既問題,所以我都好滿意
呢間銀行同新既律師樓!

aegysd

38# aegysd


我都係諗住租佢喎, 7500一個月最平那隻, 個個月都話做特價, 月底即止, 做極都有, 你那時係咪咁架
ewartuen 發表於 1-6-2009 08:14

通常得幾款單位係做特價，你要考慮清楚自己可唔可以接受，
例如：低層、無海景、無浴缸、無廚房、無上網【可以去Lobby上網】，
我當時都係住呢款單位，upload相比你睇，你再考慮。

ewartuen

46# aegysd


呢間幾似大陸賓館喎, 不過都唔想煩唔想貴, 都係揀佢, 到時真係難為了老細囉!

747-300

2# JKC710

我買東涌映灣園兩房細單位657呎! 因為近機場返工!
ewartuen 發表於 2009-5-31 22:09

ewartuen兄! 機場返工! 咩工種呢?

ewartuen

地勤一名啦! 你又係呀! 多多關照先!

aegysd

46# aegysd


呢間幾似大陸賓館喎, 不過都唔想煩唔想貴, 都係揀佢, 到時真係難為了老細囉!
ewartuen 發表於 1-6-2009 12:18

室內設施就好平庸喇，地下大堂附近就好靚！