個市究竟搞咩 !!!

ilavbnm

ctmk 發表於 2012-10-18 16:25
小弟並非炒家(依家仲係無殼蝸牛一族)，大王切勿誤會。
我個人從來不覺得香港嘅樓價係物值有所值，過去好 ...

樓奴...喱一個詞語...我一直覺得好有趣
因為...講喱個詞語o既人...通常都係無樓...但係又好想有樓o既人...
而且...我覺得努力為自己/家人去尋找一個安樂窩o既人...又何奴之有呢?...

ilavbnm

米赫洛域 發表於 2012-10-18 14:24
tko其實有冇考慮D居屋呀!
怡心園吾差
屯門.天水圍樓500呎2佰萬多D大把比你選擇

其實自住的話...我好讚成買居屋
因為除左樓價較平...另外...私樓實用通常唔夠7成...居屋就通常8成以上
500尺居屋=700尺私樓
不過...投資就私樓好d...

ilavbnm

Zack_A 發表於 2012-10-18 08:37
為後生仔平反少少野
呢幾年，買樓由唔容易變成困難，更有可以可能一輩子都買唔到樓
事關幾年前，正路儲返7~ ...

更有可以可能一輩子都買唔到樓

依家o既後生...佢地講o既一輩子係幾耐?...兩年?...三年?
二三十歲就學人講一輩子...早唔早d呀...

ilavbnm

keke323 發表於 2012-10-18 12:09
個人認為買樓既人首要注意幾樣野.....
雖然好老土....但亦都係事實...機會永遠留比有準備既人
當然要有充足 ...

97打後兩三年...銀主盤多到要貼街招...........

civiclau

其實樓市暫時冇乜可能會跌，以前又沙士又海嘯最後都係上反去，明眼人都睇得到，跌市我咪封盤囉大不了放租，要我賤賣冇可能，你唔幫我接貨你咪同我租屋囉，業主永遠冇得輸…起多多居屋下場一樣，不過……如果起大量公屋就可能唔同，因為能解決住屋問題，我買唔起又唔洗再同你業主租貴樓，到時就真係呱得~ ~

ctmk

ilavbnm 發表於 2012-10-18 21:57
樓奴...喱一個詞語...我一直覺得好有趣
因為...講喱個詞語o既人...通常都係無樓...但係又好想有樓o既人.. ...

通常都係無樓...但係又好想有樓o既人並非樓奴，樓奴係將大部份資源(時間和金錢)都俾左層樓，即係間接俾左地產商及銀行，亦再間接交左稅俾政府(賣地收益)。樓奴係呢種資源投放並冇得到最大效益。
Ching可能未供過樓，未必了解箇中辛酸。

米赫洛域

civiclau 發表於 2012-10-19 04:56
其實樓市暫時冇乜可能會跌，以前又沙士又海嘯最後都係上反去，明眼人都睇得到，跌市我咪封盤囉大不了放租， ...

起公居一般兩公婆正常打每人打一份工都過額架，根本其實幫吾到咁多。
仲有呀，師兄你知吾知依家D人一到左18歲除左攞身份証，好多就走去入紙排公屋，
大佬呀有D仲讀緊書，有咩咁急須要層樓住呀，同屋企人住又吾係擠壁戶，真係見吾到有咩理由去申請。
仲有其實一般排公屋大多真係等3一5年，就有，但我眼見真係好多人又話遠又有D又話舊吾要。
再排過耐左又係到嘈政府等咁耐都冇屋比佢，
我細時屋企5個人住公屋3佰呎多（類似麗景邨嗰D），都住得好開心，到話原來係咸水樓尼，要拆。
政府派左去大窩口邨到住，都冇人係到嘈嘈嘈，D人搬得好開心。
當年D人比較簡單有居比佢住就好開心，吾同依家，比都仲要左選又選一味嘈嘈嘈

沙煞比

米赫洛域 發表於 2012-10-19 09:11
起公居一般兩公婆正常打每人打一份工都過額架，根本其實幫吾到咁多。
仲有呀，師兄你知吾知依家D人一到左 ...

所以有少少係人既問題
新人代環境好, 有要求
舊時有間公屋住都唔知幾開心
樓下有個搖搖板/ 滑梯/ 馬騮架已經好勁
出走廊/lift 口同隔離屋既人玩

其實真係細個個時生活可能無咁富裕, 但身邊人/環境簡單, 真係好過而家住隔離你唔識我我唔識你

ilavbnm

ctmk 發表於 2012-10-19 08:09
通常都係無樓...但係又好想有樓o既人並非樓奴，樓奴係將大部份資源(時間和金錢)都俾左層樓，即係間接俾左 ...

樓奴係將大部份資源(時間和金錢)都俾左層樓

我之前講過...買樓從來唔係一件易事...必需量力而為
如果...硬要買一d超出自己負擔能力以外o既樓...令到自己唔掂o既
喱種唔係叫"奴"...係叫"蠢"
至於話買樓d錢間接益左咩人?...喱樣根本無咩意思
買衫d錢益左咩人?...買電話d錢又益左咩人?...買AV器材d錢又益左咩人?
其實意義都係一樣...問人借錢就要比息...買野就要比錢人賺

我唔單止供過樓...仲醒到97年金融風暴前買添(仲要係樓花)...
買完...樓都未收...就變左隻"蟹"...仲差d破產...死未?...
而且因為工作關係...我見過好多不同類型買樓o既人
當中有人快樂有人愁...有人致富...有人破產
仲見過...有人買樓...主要唔係要o黎炒亦唔係急住要o黎住...只求"心頭好"
真人真事...我見過有人o係售樓廠現場喊
原因...就係因為佢想買個單位比人買左先...個單位當時叫價"千幾萬"
如果佢係要o黎炒...買其他單位一樣得...要o黎住...有咁o既能力...真係驚無樓住咩?
現實就係咁...你可以話唔公平...甚至可以話扭曲
每個人將來條路點行(買樓與否)...睇你自己選擇同際遇(運氣)啦...


P.S...你可以話我已經對個市麻木...但我會話做人始終都係要"面對現實"...

ilavbnm

沙煞比 發表於 2012-10-19 10:58
所以有少少係人既問題
新人代環境好, 有要求
舊時有間公屋住都唔知幾開心

細路果陣...我住間公屋得百幾尺...要住成5-6個人...
但係...果陣唔使再住木屋...我地都不知幾開心啦...