師兄有冇後悔玩音響

米赫洛域

小弟冇後悔，但有時望住套嘢，有心緒不寧感覺。
事原係好多個月前，老細睇緊電視，內容係話余慕蓮捐咗八萬返大陸可以起到學校幫d鄉村細路仔。
老細指住我d嘢話，你依到可以起到學校有餘啦，問我有乜感覺。
當時冇反應，但過咗一輪其實係想賣哂d嘢佢，換套mini就算，但都冇做到。現在就盡量唔買嘢，死忍，心如止水
其實真係好茅盾，想放棄與唔放棄之間

alzard

自己鍾意便可﹐更可以一邊玩一邊捐錢。另一個forumAV一百分自己籌左二十幾萬係大陸起學校﹐他日呢度都可以!

aegysd

我無後悔，況且我好平，無咁值錢。

maner394

人生有幾多時間係屬於自己？
人生有幾多東西可另自己開心？
你玩影音時開心嗎？

Kelvin

~我會覺得係一個歷程和回憶, 由最初黑膠,tape帶,MD,CD,SACD,LD,Beta帶,DVD,BD
重要在於自己享受過中樂趣,隨心想樂想玩便玩(人生有幾多個十年~相信自己都過咗一半)
所以從來無後悔過, 只有可惜過(無能力去玩,有啲又再無機會去玩)

粟米湯

做善事既嘢,多有多做,少有少做姐.况且香港政府每年都會做.
果D錢每個市民都有份出架..
所以玩影音我冇後悔..

tennishk

1# 米赫洛域


我冇後悔玩音響，但而家就開始玩小Ｄ電源之類既野，
貴價電源冇錢玩未試過唔知，但平價野我覺得好多時係出於心理多於實際。
所以而家唔玩咁多唔知有冇效既野！因為而家咁既時勢，錢真係唔可以亂花！

小瑟

自己鍾意便可﹐更可以一邊玩一邊捐錢。另一個forumAV一百分自己籌左二十幾萬係大陸起學校﹐他日呢度都可以!
alzard 發表於 2009-5-30 00:57

好勁呀.......我地都要有一日可以幫到有需要既人呢~~

ktommy

做善事和玩音響,係2 個問題黎  李嘉誠話錢係用來洗,唔係用來浪費  

Westdoor

同老細可以咁講,玩音響能賜我正能量,令我有像有核動力般去工作賺錢,今日去昇級線材,明天去昇級器材,不久將來去昇級四正大屋.如無音響去花我小量既銀,係不會刺激我去賺更多既錢.