【冠軍: ellen 作品】76 首試 Pioneer SC-LX86 分享 (新聞中心資訊)

wil-wil

全城首試由 76 開始 … 試玩分享贏取 Pioneer SC-LX86【終極賽果公告】已經係 2012 年 9 月 29 日 (星期六) 於 Pioneer SC-LX86 激試會中公佈，隨後我地亦立即係網上發佈! 今次活動非常成功，入圍版友亦玩得非常開心，所以我地希望不久將來可以續辦更多類似活動比大家!
一連睇左四日，終於到冠軍作品 … 呢位冠軍級黑馬 ellen 出現 … 就連超級大熱既大師級都可以壓到，究竟點樣可以技術性擊倒幾位大師兄!? 大家慢慢睇佢既分享作品原稿，都不難發現個中因由。ellen 這個名稱，可能對 76 玩家們有點陌生，原來佢係一位玩影音既小師妹。一位女仕係發燒影音網出現，還要走出來參加測試分享比賽，可能大家會想呢位小師妹一定係玩得好發燒 … 查實 ellen 加入玩影入既年資一 d 都唔長、黎到 Post76 浦既日子就更加短。

記得，當初見到 ellen 報名時提供家中套設施既相片，真係好難會想像到她是一位超新手玩家!!! 原來 ellen 自少受愛父薰陶下，已經聽好多靚聲 CD、睇好多好正既影片，但從沒有理會過老爸用什麼器材、配置設定如何搞作。不過，愛父先遊留下整套器材後，ellen 才開始正式留意及研究，甚至最終參加我地既 Pioneer SC-LX86 試玩分享活動，深入鑽研。希望 ellen 透呢次活動，可以完全投入玩影音既樂趣，體驗個中精神，與老爸心印雙連!!

講返 ellen 既分享作品，差 d 以為係某某影音雜誌既評測 (當然她的工作與影音業界無關，亦不是從事出版界)，不論分享內容、相片質素、至到排版格式，無一可以找到瑕疵，最終以黑馬姿態勝出今次活動，贏走一部 Pioneer SC-LX86 擴音機。佢既成績，可謂實至名歸，無容置疑!!!

詳情請參閱 新聞中心 內公告 ...  http://www.post76.com/wordpress/?p=28980

guly

小師妺是高手之中嘅高手!!

mantam121

直頭連影音雜誌都要讓路

leo25

堅呀!

xanthony

排版好過好多雜誌勁！！！

fungl

Sun811

好似睇緊雜誌，電源處理器好像是Isotek Aquarius，這套器材唔差啦！

jason1969

堅呀!

jt24

ellen應該係大師姐至啱，玩得同寫得都咁Pro，佢係唔係平時寫開AV影音雜誌嘅呢？

MSZ

呢啲咪叫臥虎藏龍囉. 呢位師姐啲功力比呢度9成5嘅人兄仲要高.