終於買了，很開心(sony 55 hx-950)

201at · 發表於 2012-10-12 17:35

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 201at 於 2012-10-18 09:14 編輯

7/2012 小弟將會新居入伙，正想買部新3d電視，係呢到聽d師兄講上大6買平好多，雖然保養麻煩(如有事,多數HK整)，諗過度過，都係北上新州，初初睇眼花瞭亂，實在太多，到第二次上去，都係聽ｄ師兄講買番d架仔機，所以專睇sony 或 panasonic(自己都比較鐘意)，p記巴士馬好好，但老虎話驚部機太熱喎，噤即係得番sony啦。

8/2012 新居已入伙，係showroom睇55吋850已被深深吸引，奈何老虎話太貴(大6都要萬五、六人仔)，又打消左念頭，到月尾同老虎再北上，都睇好左價錢(55吋 750,九千三人仔)，同國美sales傾好曬價錢，臨比錢落訂條pk又話要加番多400,無能源補貼喎，又話有之後又無，乜乜物物，火都黎9埋，唔7買，落到樓下老虎話算啦買啦，心唸都唔係心頭好，最多咪睇番部舊機26吋o哩fee亞。

9/2012 整個月悶悶不樂，老虎話不如再上去睇下啦，我話ok，但聽d師兄講，黃金週會大減價，而小弟都有留意keep住國美、soling網上的價錢，到月尾850真係跌到1萬2千幾人仔，老虎又開綠燈，我的心情直頭係變返番去初戀無限touch呀！

7/10/2012 下午同老虎北上，黃金週尾聲，上到去果然有驚喜(第2間國美)，黃金週55吋850送埋2.1底座包2鏡(之前問底座係大6唔送的)，1萬2千2人仔，心唸比初初抵到爛啦，為港紙萬五蚊，係格價網扣埋3000蚊超市coupon都要二萬四千幾港元，雖然MIJ同MIC，不同對我呢d初哥都無乜問題啦！同老虎相量不如問埋soling，睇下仲有無驚喜，d sales話記住返黎呀，夜d可能仲有野送喎，臨走時見到部新出的950，聽d師兄講9系列係直下式又係旗艦級，光源同黑位都係e之班，小弟同老虎都讚晝面比850好似更靚(雖然唔係好識)，不過初哥不懂欣賞，口痕問sales黃金週賣幾錢，佢話萬九人仔包2鏡，我還口話虫虫賣1萬8千５咋喎，個經理話做唔到，當我們轉身離去時，個經理又話打電話問下又ok喎，我話轉頭先啦，950香港都未出，但大6剛剛發售，老虎会唔比買，都無考慮過的。

過到去soling，問850幾錢，sales話折左最平要萬三人仔，仲要無底座但送3鏡，話己經最平，計過都係貴，之後我們都走啦，返去國美，我又口痕問部950黃金週做幾錢呀？個答案竟然係..........................18000人仔包２鏡，心唸咪仲平過虫虫，禁我食住上問仲有得平呀？個sales話最多送多1幅鏡同掛牆架(hdmi 1.4線已包)，老虎突然問我係咪好抵，我話hk遲d出都可能要3萬幾、4萬港紙，老虎話如果我之後慳d使就ok啦！吓！今日雖然係我地11週年註冊的日子，唔通真係禁lucky，同sales講買多幅鏡平d ok嗎？佢又話平多5條比我喎(即300人仔)，話曬都係頂級又新出，計番港紙二萬三有找，個心十五十六，到左人生交叉点，心頭好定旗艦呢?如是者................................哈哈哈，買邊部都要留下10張毛主席，夜晚番到hk打比個friend問識唔識中港車司机，之後打比司機話收我6舊人仔到九龍(出面要7至8舊架)...............今日真係唔識形容小弟的心情^^

10/10/2012 同老虎下午3點上到去(笑住上)，sales哥哥已在放好部机等我，慢慢地試好機(我帯左隻3d復仇者聨盟試机，老虎同我都o曬咀)，比埋錢，司機哥哥又上埋soling等我，sales哥哥pack好就一齊搭lift落停車場，之前我無問係乜野車，原來係豐田alphard喎，又大又舒服，２位sales哥哥幫手托上車，仲好禮貌講多謝，小弟都好開心禁比左每人兩條，如是者皇岡過関，5點半返到屋企慢慢set，等到星期6送埋套5.1家庭影音就大功告成了^^

後記: 真係好多謝explorerhk師兄之前的post同昨日的回覆，無言感激，篇文雖然好長，但這是小弟比心機打左好耐，到呢刻我全家人望住部950都好開心，可否支持下小弟，不喜勿插。謝謝各位師兄！

950等緊我