我們是這様被CD洗腦長大的

alibabar

agic 發表於 2012-10-5 16:29
未有大闸前，有右手櫃
放日版美版，汁吾少，揀CD重阻住人岀入

Bingo, 右手边个櫃周不時有正野。

billymud

CDR 發表於 2012-10-4 10:25
喱間我都有幫襯過!!

X 2 !
當年果個青年，料想如今應該退左休了。

貓神

觀塘101巴士站附近我只記得寶聲同漢豐，康寧道有兩間，一間匯豐銀行對面要上幾級梯，一間豐澤行上少少，好細間仲有得租，還有裕民中心，觀塘廣場頂樓同一樓樓梯口永樂，兩間都有得租碟，永樂仲有DUP帶服務，$4一首歌，真係懷念當時年紀小，買唔起淨睇淨聽就滿足嘅心情

erovy

真係懷念以前,dup歌年代,自己到唱片舖dup歌.

blueguywin

newdali6 發表於 2012-10-4 10:27
以前有個奇景：中學時期，本地唱片業十分興旺，每日放學經過一座住宅大厦都有人大大聲炸機，根本係開俾樓下 ...

以前我左麟右李都係咁樣, 經常播ALAN啲歌黎炸, 愛情陷阱SPECIAL CLUB MIX 及 英文版 LOVE TRAP, 我當時係小學生, 那些大哥哥好鍾意ALAN TAM

blueguywin

iwcpaul 發表於 2012-11-15 02:43
死喇,如果講讀書果時,我係習慣去以前新蒲崗麗宮戲院後面和公爵酒樓樓下的小商場買黑膠,咁我咪好老 ...

我有D印象你講既唱片店, 不過我當時讀小學, 冇錢買LP, 都係D姑姐買回來聽, 最多就係譚詠麟, 張國榮, 阿梅同DANNY 黑膠唱片

iwcpaul

blueguywin 發表於 2012-11-16 03:38
我有D印象你講既唱片店, 不過我當時讀小學, 冇錢買LP, 都係D姑姐買回來聽, 最多就係譚詠麟, 張國榮, 阿梅 ...

係啊!當年譚詠麟出愛的根源黑膠要預訂,我就是在麗宫後面嗰間訂,大貨一到,整天樓上摟下,前後左右都是愛的根源,當年的巨星出新唱片真係好轟動,吾同現在出咗都吾知

blueguywin

iwcpaul 發表於 2012-11-16 05:11
係啊!當年譚詠麟出愛的根源黑膠要預訂,我就是在麗宫後面嗰間訂,大貨一到,整天樓上摟下,前後左右都是愛的 ...

我絕對同意你所謂, 我好多男女同學朋友仔都討論ALAN出左既唱片D歌, 出碟對我們係大件事, 出碟好似上頭條咁, 當時我地只係小學4年級; 同學仔當時仲買好左ALAN相片同埋襟章掛係個書包上, 真係好潮架, 唔知大家仲記得否

blueguywin

iwcpaul 發表於 2012-11-16 05:11
係啊!當年譚詠麟出愛的根源黑膠要預訂,我就是在麗宫後面嗰間訂,大貨一到,整天樓上摟下,前後左右都是愛的 ...

好記得麗宮係做西片, 另一間叫咩呢? 係多做港產片, 開場時門口好多小販賣野食; 八幾年仲有黃大仙中心以前都有兩三間賣碟, 好似還有CD賣, 相信當時人個老板就係賣緊你地好想要既三洋版, 西德版, 東芝版, SONY版喇

iwcpaul

blueguywin 發表於 2012-11-16 12:14
好記得麗宮係做西片, 另一間叫咩呢? 係多做港產片, 開場時門口好多小販賣野食; 八幾年仲有黃大仙中心以前 ...

另一間叫麗斯，不過都不是它的原名，原名好似叫英華，唔知有否記錯！