黃偉文作品展 Concert YY 3Blu-ray 世界末日推出 115#

percyyip

等唔切可以睇住DVD先。
你要知道出BD的成本是DVD的幾倍，而香港的市場又細，出BD好難只靠香港市場維本。
而且出BD又要考慮定價高低導致的銷量問題，直接影響收入。
所以我都明白唱片公司會先出DVD同CD集資，再觀察一下市場反應先考慮出唔出BD。
如果連CD/DVD都沒人支持，個個都去Download，咁仲邊會有唱片公司再肯投資出碟？
聽眾/觀眾都係有義務去用錢支持唱片工業的。

yaufung

坦白講，呢種市場策略，一向我都唔認同，好多時等下等下就唔會買Blu-ray，鄭秀文concert好似係一齊出 ，就算你唔download 你都會出街，鍾意買碟都會行CD鋪，如果blu-ray 遲成個月甚至兩個月先出，一定聽到厭，仲點買得落手呢，YY concert 亦一樣，邊個未聽過？個show由洗版再洗版到2月未完已經out 左。網絡年代根本唔可能逃避網絡，香港間間唱片商都話網絡造成幾大幾大損失，而冇人去諗自己策略已經不合時而，等成半年先出碟，blu-ray 仲要遙遙無期，博D人等唔切買多一隻DVD，我地買碟o既人三百幾蚊買一隻碟，已經補貼千千萬萬冇比錢o既人，難道我地就好恰D，仲想我地買多隻DVD？！CD 已經係咁，唱片公司成日叫人買正版，但就忽視街上個個人都聽mp3呢個事實，itunes到今年香港先有，D歌仲要係普通話拼音，我都問唱片公司有幾大誠意，事實上我同好多朋友都已經用緊kkbox，一個月費任聽，好難番轉頭逐首歌去比錢。我地比錢唔係問題，但比錢補貼千千萬萬冇比錢o既人o既同時，仲要估隻blu-ray 幾時出，邊個人都會忟，我地好多人都係一年幫襯過萬，甚至幾萬，仲要接受呢個市場策略，條氣真係有少少唔順，唱片唔係LV或Gucci 有千千萬萬人排隊去買，唱片只不過係一件夕陽產品，而我地仲去買只不過係守護緊呢種夕陽產品，就算睇到個演唱會識背，有時我都會買blu-ray，點解唔可以對買blu-ray o既消費者好少少呢？

myblue

老實講，我都鐘意買碟，睇碟同聽碟，不過唔係想收集，所以通常我會去搵BD 先，如果未出而又真係想睇嘅concert, 咁會去買DVD, 不過買佐DVD後就唔會再買BD，彈藥不如留比新碟。而對音樂會而言，條sound track係dvd同BD應該唔大分別。又如果連DVD都唔急買，即係價值唔太大，可有可冇，咁最後最會將份錢擺去第二d碟到。

doordoor999

yaufung 發表於 2012-10-25 18:30
坦白講，呢種市場策略，一向我都唔認同，好多時等下等下就唔會買Blu-ray，鄭秀文concert好似係一齊出 ，就 ...

絕對同意，我非常不滿意香港唱片界的市場策略，當消費者係羊牯，出的碟無厘誠意。
我要求有質素，比多少少唔介意，但我一心諗住買bd，點解要我等唔切買多套DVD?重要咁貴d質素都唔做好d?
外國的音樂會bd只係百多元，但音質係香港貴成百元都望塵莫及的。
我支持正版，但非常極度嚴重不滿唱片公司。
順便講埋cd, 出的cd資料錯漏百出，隻張國榮boxset一推再推，等足半年，點知隻隻碟攞出嚟黏滿絨毛，又無cd盒，唔通次次聽之前都要用幾分鐘除毛除塵？仲要垂直擺d碟可能會跌落嚟••••••
咁樣落去，點支持你呀？

Hon

咁你應該致力投身呢個唱片業界去改變佢先得la.....

mttmax

我就唔怕繼續等~真係咁想睇可以去youtube睇住先

pongyusum

mttmax 發表於 2012-10-25 21:36
我就唔怕繼續等~真係咁想睇可以去youtube睇住先

睇youtube同DOWNLOAD有何分別呢?

blackjacklun

收到消息 Blu-ray 12 月先出........

doordoor999

Hon 發表於 2012-10-25 21:01
咁你應該致力投身呢個唱片業界去改變佢先得la.....

以這邏輯，很多香港人也要加入涼粉政府

timchan

出隻咁嘅碟，懶係神祕咁，又唔會多首歌嘅，只係畫音質上嘅差別，都搞咁耐...