阿凡達 Avatar – 170分鐘特別版

偉爵爺

D位爆到月底...

劉一舟

小弟有近視，需要帶眼鏡 ，想問吓有冇師兄試過帶住3D立體眼鏡加埋自己個眼鏡，去睇3D版電影 係咪好辛苦呢
uraki0083hk 發表於 2009-12-14 00:07

我都係四眼仔，試過戴住眼鏡喺Megabox睇《貝奧武夫》IMAX 3D版，都OK嘅而且仍有不錯的立體效果，不過嚟緊套片成161分鐘，唔知隻眼會唔會頂得順。不過若睇普通3D版就不要揀咁後，我試過睇《地心探險記》3D版，好辛苦的。

eva0083hk

o岩o岩睇完優先場返o黎!
主觀意見:
2個幾鐘, 但無望過錶就完場, 精彩! 特技/CG係好細緻, 但又無話咩突破到會叫你嘩嘩聲咁(其實呢個年代, 重有咩大家未見過... )
中肯少少:
故事簡單得o黎幾吸引, 一條大橋(環保?!)玩到尾, 重好完整添!
世界觀同設定都好仔細, 令人覺得合情合理(幾十年後真係咁都唔奇!), 幾個大場面真係幾震撼同刺激, 正!
關於3D:
好似之前"Up"o既效果, 但呢套真人(其實都唔知算唔算... )比動畫更自然, 可惜都係令雙眼好攰下...

Maldini

o岩o岩睇完優先場返o黎!
主觀意見:
2個幾鐘, 但無望過錶就完場, 精彩! 特技/CG係好細緻, 但又無話咩突破到會叫你嘩嘩聲咁(其實呢個年代, 重有咩大家未見過... )
中肯少少:
故事簡單得o黎幾吸引, 一條大橋( ...
eva0083hk 發表於 2009-12-16 23:23

Thk report !
SAT 去睇 !

Ricky24000

今朝睇完IMAX版@iSquare
可能8月果時睇左15mins預告,所以震撼感不及之前
一句講曬:技術勝於一切!!!
iSquare間IMAX坐位好過BEA果間,我坐L中間都OK,起馬無柱
同埋個幕終於無左D污積la....
仲有無左BEA果間睇戲前既讀白
位係多左,但係唔覺個幕大左

AL_90

今朝睇完IMAX版@iSquare
可能8月果時睇左15mins預告,所以震撼感不及之前
一句講曬:技術勝於一切!!!
iSquare間IMAX坐位好過BEA果間,我坐L中間都OK,起馬無柱
同埋個幕終於無左D污積la....
仲有無左BEA果間睇戲前既讀白 ...
Ricky24000 發表於 2009-12-17 16:03

我今日睇3：20
同意位係多左, 但樓底比megabox矮, 加上行與行之間嘅距離又窄左, 見到人頭, 同樣亦唔多覺個幕大左
唯一可以讚嘅就係音響比megabox好好多

XPR

我今日睇3：20
同意位係多左, 但樓底比megabox矮, 加上行與行之間嘅距離又窄左, 見到人頭, 同樣亦唔多覺個幕大左
唯一可以讚嘅就係音響比megabox好好多 ...
AL_90 發表於 2009-12-17 07:51 PM

最怕呢樣.....

wildwolf007

各位c兄,小弟想問下,呢套睇會唔會好暈架,
因為小弟有耳水不平均,驚定唔順.....

stallone

啱啱睇完3D阿凡達返嚟!

畫面真係好清好清(未試過在戲院睇咁清) :003: , 3D效果幾出色(可以話係新體驗)

內容就中上啦! 如果占士金馬倫用十幾年先攪到出嚟, 咁老占都有啲技窮了

總括來說一定值得睇(但唔好期望有當年異形第二集咁震撼)

套戲啲飛龍造型同SEGA經典射擊遊戲Panzer Dragoon有好多相似地方

劉一舟

環保電影《阿凡達》：占士金馬倫的神話再現定幻滅？(內容可能涉及劇情)


剛看畢今天在iSquare IMAX夜場，首先看看我對呢間新戲院的印象先，像赤臘角新機場初初啟用一樣咁簡陋，商場內好多舖頭都未入伙，上戲院的方法同UA朗豪坊差不多，搭lift - 細又少又慢；扶手電梯 - 走嗰時......唉。剛上到售票處旁邊自助取票機，只得一部可用仲要大排長龍，攞完飛去到正常戲院嗰層，廁所又排長龍，原來發現好像只得兩格廁所，仲要男女共用，結果算罷上X院 (IMAX)，個男女廁大好很多。喺入口攞咗兩副寫有IMAX的3D眼鏡，入到裏面，嘩.......好大好多位呀，個銀幕，嘩好大呀，我覺得真係比Megabox IMAX大，而且銀幕橫跨左右兩邊，坐側啲都可以睇得清楚，座位中間每排差不多有28個位，坐喺中間突然要去廁所都幾麻煩，我買咗M行近右側邊都睇得好清楚，將來再喺呢度睇，心中已經有定案邊行會睇得舒服及清楚了，Megabox IMAX拜拜啦。

講番套片，Avatar源自印度梵語，本意是指 "分身" 或 "化身"，在此片都幾貼切，片長161分鐘，故仔其實唔複雜，劇情編排好普通不過乾淨俐落，唔拖泥帶水，不過冇咗導演以前喺場景上高調玩嘢的風格，換來的是予人有沉實的感覺，若以真人嚟做其實只是一齣普通科幻片格，我還對身邊朋友笑謔此片實為臥底科幻片種；我覺得此片的主要內容某程度上好有教育意義，人類為了自身利益，去奪取及摧毀Na'vi人擁有的土地，近結局一小時前第一次攻擊嗰場拍得好壯烈，當摧毀那棵大到無倫的神樹時，樂土變焦土，哀鴻遍野，我心裏也有不舒服的感覺，現正各國在哥本哈根商討如何挽救日益衰弱的地球時，發達國家對資援落後國家有所保留時，不正正和影片以強欺小的劇情不謀而合嗎？影片就是以人類和Na'vi人這兩個不同民族為主幹去宣揚環保訊息的電影，最後一段Na'vi人和群獸絕地反擊，大有《魔戒二部曲：雙城奇謀》和《幽靈公主》的影子，呢個位應該是全場觀眾睇得最血脈沸騰的時候，但全片有此牽引觀眾情緒的場口卻寥寥可數，算是美中不足之處，整體上故事內容比奇幻畫面來得輸蝕。

演員方面，我淨講人類嗰邊，英國出世澳洲長大的演員Sam Worthington自《未來戰士2018》後又再有份參予大作，但表情和之前演出如出一轍沒有兩樣，反而好耐冇見的Sigourney Weaver飾演的博士和飾演疤面將軍的Stephen Lang就交足戲，連最後壯烈犧牲的Michelle Rodriguez都有啲戲吖，真係唔明點解導演會揀佢。

動作及特效場面是本片的靈魂所在，華麗的IMAX 3D畫面真係冇嘢講，如戲中男主角所言，我寧願留喺幻想世界多過現實世界，IMAX 3D場面相信比看3D版更壯觀更廣闊，百六蚊戲票真的值回票價，有幾場空中飛行鏡頭睇嗰時都好刺激，畏高的朋友看時要小心了，畫面的色彩絢爛在潘多拉星上更為明顯，夜景表現亦不錯，男女主角森林內力挑眾異星狗 (我諗係啩) 時都睇得好清楚，大型動作場面其實只得最尾唔夠四十多分鐘兩段對戰，若觀眾想看拍到導演作品《未來戰士一、二集》或《異形續集》等場面就會有些失望，不過已經交到功課。

我會俾75分 (100分為滿分)。故仔確實冇導演之前作品咁吸引，但整體欣賞指數還是可取的，導演十二年後想以此片內的 "神話" 來再創另一個電影神話，相信要留待觀眾作出最後的評價了。