[嚴肅處理網站緩慢問題] 向各位版友作出致歉(更新 #122)

小瑟

各位好,

對於近日76的反應出現極端的緩慢, 甚至係同死左冇咩分別, 小瑟身為總版管及IT部門負責人, 係絕對有需要向各版友作出正式的回應及解釋事件的原因的, 在此, 小瑟先向各位一路支持我們Post76玩樂網的各版友致歉. 希望各位多多原諒!!!



事件始末:
小瑟自9月7日離開香港之後, 一直都有留意76情況, 直至一個星期後即9月14日星期五子夜開始, 76轉頁, 開頁, LOAD頁開始十分緩慢, 而小瑟在美國時已經留意到事情發生, 亦都知道情況係因為廣告代理服務器的網絡連線出現大量斷線情況, 而網站的頁面設定係需要優先處理廣告內容, 所以當廣告代理服務器有連唔到線既情況下, 我們整個網站就只可以白白地等侯廣告代理服務器再有回應先可以LOAD出畫面來. 故此我們整個網站就係呢個情況下, 足足慢左超過40倍之多(最長需要等50秒先可以LOAD出內容出來), 而在 2012年9月16日期間, 小瑟已經在美國多次EMAIL及致電廣告代理方面希望可以投訴盡快解決有關問題. 因為我地Pos76一向都對投放資源在SERVER及寬頻線都是投放最大的, 所以對此小瑟亦都感到十分無奈同非常憤怒........

直致9月24日小瑟回港之後, 問題依然還未得到解決, 所以小瑟決定終止跟該廣告代理合作的計劃, 希望盡快可以將所有廣告服務轉回我們自己的服務器以得以解決數月來之不停發生之LOAD頁問題.

小瑟除了借此機會向大家致歉之外, 還希望各位師兄幫手, 因為暫時已經有方法去解決LOAD頁緩慢之問題, 但在未完全將所有廣告合約完結前, 我們的網站還需要跟廣告代理服務器連接多一段時間, 如果又再發現網站出現任何LOAD頁超慢情況, 暫時大家可以試下立即按下鍵盤上方的 "F5" 鍵, 網頁就自然會即時快速回復顯示.

小瑟都希望此事可以盡快結束, 希望各位多多包涵及回報問題所在.

再三多謝各位一直以來對Post76的支持!!!

jt24

多謝大王嘅快速處理問題！{:9_426:}

mantam121

明白及支持

agic

大王慢d我地都玩得甘开心，前两日重創新高
多謝76甘好既平台，同時亦关心76少左廣告
會否影响大王要自已拎多d錢填補

MSZ

支持支持...希望可以快啲解決問題

frankiechan

多謝大王快速處理!

小瑟

多謝大王嘅快速處理問題！
jt24 發表於 2012-9-26 10:37

    JOE哥, 都唔快架勒, 今次攪左成個星期, 最炆係返到來香港原來都仲係咁, 一D都未解決過~~~~
真係嬲到我呢~~~~~

dickchan

多謝總版主正面回應及提供暫時解決辦法

小瑟

大王慢d我地都玩得甘开心，前两日重創新高
多謝76甘好既平台，同時亦关心76少左廣告
會否影响大王要自已拎 ...
agic 發表於 2012-9-26 10:39

AGIC兄, 多謝你的關心先, 廣告方面, 暫時我地未想到點解處理, 不過在我立場, 版友既使用體驗永遠在第一位, 其他野都可以遲下再講呢!!!

所以我知道都好多師兄呢個星期都頂得好辛苦, 我諗左二晚, 係覺得應該出黎同大家交代一下同正式致歉呢!!~~

jt24

JOE哥, 都唔快架勒, 今次攪左成個星期, 最炆係返到來香港原來都仲係咁, 一D都未解決過~~~~
真係嬲到 ...
小瑟 發表於 2012-9-26 10:43

你去咗米國冇法嘅喇！我哋體諒嘅！