回復 6# Will
得will師兄鼓勵,第一次試下喺殊寫下聽後感,小弟無靚器材,只用組合仔同電話聽歌,雖然偶爾也會買hifi cd,但也只為壯大下個cd架, 對於音響一竅不通,所以純粹係聽歌!近半年開始上76,大開眼界!跟住師兄們的推介買碟，實在如獲至寶,近期的銀姐，歌莿亞同陳潔麗purely都係喺度刨完入手,正到無比,多謝各位師兄,以後仍要師兄們多多指教,如果小弟問左一d低能問題,希望各位師兄多多見誴同包涵,因為小弟音樂常識確實膚淺!
講返呢隻碟,will師兄推介後,昨天已即買,由於返工關係,所以只cd轉成mp3,今天聽左3次,愈聽愈正,歌耳熟能詳,唱功一流,葉麗儀唱歌屬於字正腔圓果隻,但難得唱英文歌一啲唔土,更有一股華麗同高貴嘅diva氣勢,記得若干年前小弟亦入過佢一隻港樂diva嘅live(唔知有無記錯名,盼各師兄賜正),當時已覺非同凡響,今次呢隻studio album,有埋chris babida呢位曾經同lily,蔡琴同林志美crossover之猛人,唔使講更加係信心保證,個人一聽就喜歡2,5,6,8,9,其他歌亦愈聽愈正!
第一次係度寫聽後感,班門弄斧,希望各位師兄唔好見笑! |
[複製鏈接]
發表於 2012-9-24 22:07
樓主
