一堆碟既簡單Report...(新加"石破天驚")

cakecake · 發表於 2009-5-26 09:04

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 cakecake 於 2009-5-29 19:46 編輯

前果排買果D Blu-ray...終於睇左一半多D.....
重淨番X-MEN 1-3, 石破天驚未睇....

出住少少Report先...

赤壁1,2集:
一定要買, 聲音做得非常好...dts-HD完全發揮到出尼...火燒連環船果幕直情置身其中一樣...而且打心口既聲效都好多下...連Sunfire+Monitor Audio都可以打心口打到飛起...可想而知幾勁...用Velodyne + Klipsch或者M&K果D師兄小心…, 另外諸葛亮借箭果幕亦要必試, surround一流, 箭插入草人既聲音, 試speaker分析力. 不過一定要買台版, 因為用盡成個16:9, 無黑邊...唔似港版既"假2.35:1", 有黑邊+有"美亞"Logo....(台版小弟於德發光頭佬買, 1,2集 total $500)

Master and Commander:
唔洗講, 試subwoofer得唔得, 一試呢隻就知...surround亦做得好正(好似大風大浪聲, 以為自己跌落海咁).....細微聲效亦有好多(例如D木既烈開既聲), 可以試amp和speaker既分析力

變型金剛:
另一試機碟..亦都係考驗subwoofer既能力..低音好勁, 拍得住新變型俠醫...subwoofer唔得一定拍邊拍到飛起…但試surround和細節度就一般, 相比起新變型俠醫, 無想象中出色.

007量子殺機:
比起第一集皇家賭場試音效位多左好多, 一開始已經有試音位了(車既engine聲, 槍聲)..不過D爆炸聲, 其實可以再盡多少少..

TOP GUN:
N年前既戲, 所以期望不要太大, 音效已算係交足貨, 清析度一般, F14戰機飛來飛去既surround聲一般, 定位一般. 有某些人建議用Dolby TrueHD, 聲稱低音無咁失控. 但小弟認為此碟用Dolby TrueHD既聲完全無細節可言, 濛, 爆炸聲似行雷多過似爆炸(即係隆隆聲..), 就好似PS3軟解HD audio既聲咁….用dts-HD聲音先至出到細節, 爆炸先至有力.

魔盗王1-3集:
3隻既音效都係一般, 得第3集最後兩架船互轟果段有D睇頭...但相比Master and Commander.. 魔盗王果D大炮聲真係差一皮..而且故事性一般, 得第一集較為好睇D....所以呢.....

Cars(反斗車王):
聲效出色, 特別是surround, 聲音定位一流. 其中一幕果D拖拉機十幾架圍住主角, 跟住好似牛叫聲咁叫左一聲..呢一幕聲音真係做得好正, 必試~! 而D車落場比賽時, 聽果D車聲就好似玩緊PS3既GT賽車咁....聽到D車o係邊到來..

空軍一號:
呢隻係我睇過用LPCM音效既BD最勁既一隻, 完全唔似係好多年前既製作. 槍聲好清析, 定位一流, D子彈殼跌落地聽得出”碌”左去邊, 完全唔似係LPCM, 似dts-HD多D....爆炸聲去得好盡, 戰機(F15)既聲重正過TOPGUN....成套戲亦無冷場, 不愧為試機天碟之一. 必買

石破天驚:
用LPCM, 音效較偏向低音, 低音非常勁, 但音效淸析度都幾低, 聲音都幾濛...配樂聲過大, 蓋住左套戲既效果聲, 人既對白聲唔夠出..surround就做得幾好, 前後置既聲音幾連貫, 後置d聲好出...畫面比空軍一號好少少. 故事幾好, 無乜冷場..整體尼講除故事外, 呢隻BD係有D失望...

畫面最靚一定係反斗車王, 因為係卡通片,顏色鮮艷. 赤壁畫質亦做得不錯, noise不多
其他亦不過不失, 係空軍一號和石破天驚就差少少...
反而TOPGUN既畫面就真係有大驚喜, 做得好好好..