想問吓關於5010

K_C_

Zone 2可唔可以揀Network做input play files?{:9_419:}

Thanks.

K_C_

回復 2# OnkyoHK

經過幾日努力,大至上完成咗今次嘅upgrade.有少少嘢想同大家分享吓.

1. 上一部係5008.點解要upgrade係因為壞.....  死因係出晒名嘅冇聲出,上網search過呢兩代機都好多呢個case.著機最尾嗰吓relay click冇咗,其他function正常.疑似HDMI board壞,問過要成$3600大洋,好彩未夠兩年.
2.既然保養未過又點解要換機呢?一來要搬部機出嚟都要搞一大輪(冇計屋企地方淺窄),二來Onkyo話要整14個工作天..... 需知而家d AV amp責任重大,冇咗佢真係乜都企哂響度.為咗唔想對住個爛灘子半個月,帷有乖乖科水upgrade.加上舖頭肯幫我送新機時收舊機去整,亦都加多咗一把力推我落火坑~~
3. 近排見到開始有DAC可以播DSD file,本身一路未玩CAS,但都已經好痕想玩. 但見全部都係USB DAC,即係要駁PC....雖然小弟係IT人,玩PC + setup Windows絕對難我唔到,但又要maintain多一部PC就真係有多少唔願意,所以一路都鍾情network player,例如Linn DS.但可惜,暫時好似只有Onkyo可以用network開DSD file,所以又向火坑推多一步.....

火坑就落咗,咁有冇包膠呢??

1. Menu反應出奇地........慢 照計新chipset(同5008比)應該會快d??But sorry,冇呢回事.用得真係唔多爽.
2. 但做room EQ measurement就真係快,3個位5分鐘可以搞掂.
3. 點解要玩Zone 2?因為想響平時睇電視/上網嘅同時,又可以播歌.所以用Zone 2 pre-out去兩聲道amp播歌,保留本身surround system去俾電視/上網.甚至如果淨聽歌,就咁著Zone 2就得.
4. 主菜FLAC出Zone 2冇問題.多種bitrate + sampling rate都對應.
5. 新貴DSD files....... 第一唔知點解淨食DSF唔食DIFF,第二.......係唔可以響Zone 2出聲!!! 有請Onkyo Hong Kong代為跟進一吓,唔該.