阿仔開始講大話

LAWSON

阿仔而家除左唔怕生保,間歇性唔應人,成日講數扭計同打老豆之外
而家開始會為左唔想比人訓而講大話.
經自己認真想過之後.覺得鬧同打已經係冇用.而且係會有負面影嚮. 阿仔既性格係主要因素. 或者小朋友係好簡單,佢只係接收到我地對佢好同唔好. 玩-佢平時都係咁玩,越玩越多,越玩越野性.
佢本身性格養成左係咁, 你硬要用高壓政策佢阻止返佢. 只係事倍功半,適得其反.

我始終都係果個睇法.性格係環境+本性培養出來.本性要誘導,環境更要配合.
實際d講,小朋友本身係曳既,我地盡量唔會比佢玩咁多,小d玩具,得佢認識正確既價值,珍惜擁有既野,要分配好時間,食飯,訓晏覺,散步都要定時,唔可以過量. 等佢學識/習慣做事要就步驟程序. 小朋友如果有額外要求,盡量唔好咁易應承,唔係佢知到自己要求既野都可以得到,佢就會變本加厲,盡量係大人控制細路,唔好因為覺得錫佢就要就佢.真係想為佢好,係得佢有良好習慣先係最好.到大過遇到問題都唔會輕易放棄同埋覺得難受.

阿仔既問題係太多玩具,唔識珍惜,就好似果時ps2咁,成屋老番都玩唔到一兩隻一樣.
個個人都錫佢就佢,佢唔會學到要就人讓人愛護人.
對事對人都可以任意妄為,人又點會好.小朋友係咁,大人其實都一樣.

Kelvin

Ching 你個仔幾大呀?

aegysd

教仔真係一門好高深嘅學問，比做人更難……

小瑟

咁快識講大話???

LAWSON

Ching 你個仔幾大呀?
Kelvin 發表於 2009-5-23 11:24

3歲半了

LAWSON

咁快識講大話???
小瑟 發表於 2009-5-23 11:43

係呀,佢上畫畫堂畫花隔離同學幅畫,返到屋企同我地講,話個同學成日攪佢,所以佢先畫佢.
第日去到學校叫佢同老師講,講極都講唔出, 起初我地覺得小朋友可能驚先生,會就住先生想知既野講,後尾班主任去問返畫畫老師,老師睇到哂成個過程,係佢攪同學.
之後佢自己都話係自己講大話. 比佢畫花果個同學都係女仔. 樣樣野加埋都似係老師講既係事實.

aegysd

係呀,佢上畫畫堂畫花隔離同學幅畫,返到屋企同我地講,話個同學成日攪佢,所以佢先畫佢.
第日去到學校叫佢同老師講,講極都講唔出, 起初我地覺得小朋友可能驚先生,會就住先生想知既野講,後尾班主任去問返畫畫老師,老師 ...
LAWSON 發表於 23-5-2009 11:50

會唔會佢唔like個同學仔，所以攪鬼人哋，
但惡行被識破，就唯有講大話掩飾，
不如先了解吓佢係咩原因，
佢要畫花同學仔張畫先喇。

wil-wil

3歲半咁快識講大話 ... 咁真係要好好教

ming

打PAT PAT

245141525

細路講大話都幾難搞,最慘就係,如果俾佢知道大人都講大話,真係幾難講得服佢!