BAND OF BROTHERS

andyy423

就今次事件帶來大家咁多問題, 真的十分遺撼
現上傳有關該碟之圖片, 希望大家可以分析一下是屬於正版還是翻版
1/ 我買碟是已經在一年多接近兩年前的事情, 根本冇可能仲會有 keep 收據. (我想冇人會有keep一張dvd 收據, 超過一年).  
2/ 我冇法即時可以上傳圖片, 因交易事發只不過是昨天傍晚事情, 我冇時間及時上傳圖片, 今日看見了有關 post, 我現在才有時間收工才可上傳. 並不是什麼逃避.
3/ 現在聽了Frankie 兄說不是正版, 自己都十分不解, 不知是甚麼版本，我當時是購自香港影視店 (在旺角某店舖) 人家打開門口做生意,人來人往. 我當時也絕沒有懷疑過會是翻版, 我覺得翻版是在街邊攤販買才是.   內容更加不像是啦...  
4/ 有一樣更加不忿是, Frankie 兄說 : (對本人極不就腳),  交易地點是雙方協議的, 如不喜歡, 不就腳, 大可不出來交易.(大家可看到我一早post 出來說明交易地點是旺角,大圍及沙田區, 而不是現在的九龍塘, 九龍塘是Frankie 兄提出的.)  何況Frankie 兄又心急, 我說公司多野做可能要遲小小, 佢都話唔得, 想早d,  okay, 我都可以配合早走趕去與他交易.  去到仲要係我等佢.  佢一來到已經見佢怒氣沖沖, 態度惡劣. 一交錢完, 就話係翻版不要, 我同佢解釋一翻後, 佢都話不要, okay 交易係你情我願, 佢話唔要, 我便立即退回錢給他. 事問, 我有錯嗎 ?  
5/ 在此大家兩手交易, 有懷疑, 絕對可以提出要求先看圖片及查問清楚才決定是否交易. 出到來覺得不合心水, 就大聲說給人呃.  咁對我又公平嗎 ?    大家不是當時人, 只聽一方說而去評論又公平嗎 ?  
就今次事件, 雙方都唔想.  只是區區果 $150 兩手碟引出不快, 真的十分不值.   我唔想大家再花時間去評論今次事情是誰有錯是誰有心呃人. 希望就此終止.   對大家如有任何不便, 本人十分抱歉.

p.s 為免事件再次發生及引人誤解, 我會立即終止此碟之出售.

civiclau

睇完你地雙方文後....我發現我屋企隻"迷失太空"DVD都係打住DVD-9當然我隻一定係老正啦....

kkchau

你比間影視鋪呃買左老番都唔出奇，而且早兩年旺角好多鋪買老番平價擋老正賣，新聞都有講過，依隻個係老Ｘ既９９％，據你幅圖３dvd香港原裝或台灣都係３區，就算大陸原裝係all區都唔會打１區

ming

一定係大陸D9
你比人呃左喇

香港現在有很多舖頭 都賣緊D大陸D9碟
我係灣電和298都見過賣大陸D9

wil-wil

andyy423 兄，看過你的圖我也可以確定你真的被呃了。暫時黎講亦沒有証據 andyy423 是全心賣出有問題光碟，我都相信佢也是今次既受害者，且被騙接近 2 年都懵然不知。今次事件暫告一段落，希望大家唔好因為呢件事針對他，亦不要再向另一位受害買家附和而再生事端。

但亦要提醒 andyy423 兄，如再需要放貨，最好拍張相比大家參考，有疑問就請版主幫下眼了解下先，希望大家都出入平安，謝謝!

lukalok

六區正版「兄弟連」

http://www.amazon.cn/mn/detailApp?qid=1242918847&ref=SR&sr=1-1&uid=477-3837295-2493132&prodid=bkys031101

ming

係大陸入面就係正版 出口賣的話 就是翻版

wil-wil

佢個款根本就唔同呢套大陸版! 結果好明顯 ...

六區正版「兄弟連」

http://www.amazon.cn/mn/detailAp ... p;prodid=bkys031101

40801
lukalok 發表於 2009-5-21 23:16

lukalok

係大陸入面就係正版 出口賣的話 就是翻版
ming 發表於 21-5-2009 23:20

大陸正版出口賣同美版水貨係冇分別，絕對唔係翻版。
但係西方社會賣水貨/平行進口係犯法，係海盜行為-即係賊，法例不容許嘅。

小瑟

呢個帖其實就唔當係賣野, 我會轉返去blu-ray/dvd區, 另外, 依家好多鋪頭都會賣呢d碟出黎, 又平又包裝靚, 買左都唔知係正定返, 亦都好難界定, 所以呢次絕對唔係有心, 而另一方買方之不滿只係買家既個人意見, 賣方所講亦有道理, 所以呢次其實只係一個誤會, 大家就唔好再爭拗落去勒.

所以大家下次買任何野之前, 都要係網上同買賣雙方了解清楚整件貨物既所有細節, confirm係你想要的東西, 先好約出來交收, 咁就大家都開心啦!!!

呢個 post大家睇完就算勒, 亦都唔好再討論, 我關閉帖子好好封存. 當大家做個借鏡啦!!

多謝大家支持!!!