本帖最後由 sunboy 於 2012-8-31 19:33 編輯
昨晚睇見咁多"貴"碟都敗下陣來都覺得十分有趣,可喜的是給大家灌輸了耳聽為實的道理,千祈唔好衹聽人講,人云亦云.........可惜的是令很多貴碟蒙上污點,給了大家一個不甚真實的假象!
我覺得昨晚的賽果大家衹可以作為參考,不能作準,而且當晚小弟覺得有許多問題是會令結果有重大改變的.........
首先是音量問題,由於人多關係,版友們排排座在六行座位內,為要令最後排版友都聽得清楚,全晚音量都偏大聲或太大聲,令人聲結象濛糊不清,無晒立體感,聲音又粗又大........
第二是比試唔公平,除了頭一round的AB比試外,其後的C,D,E甚至F版都是靠版友先前的記憶來作比較,可能對某些版友而言,時間越耐,先前的記憶便會越濛糊,(小弟正是這類人....... ) 如果前者聲音不錯的話,會有先入主的錯覺,如果後者聲音不錯的話,由於剛剛聽完,印象會較為深刻,如果兩者分別不是太大,早前的版本由於記憶較為濛糊,便會較為吃虧..............
第三是每次聆聽的時間太短,對於音質接近的版本,或聽覺不十分敏銳的版友要作孰優熟劣的分辦是較為困難的.........
第四是舉手方法唔公平,其間衹問贊成某版本較佳的版友舉手,而沒有問認為不好的版友舉手,而且沒有核實票數,例如總人數是30位,當中有13人舉手說A版本好,便假定餘下不舉手的人都說B版本好,因而判B版本勝出,頗為不合理,因為不舉手的版友意見存疑,可能他們認為B版本好,又可能他們認為難於分辨而棄權而被認為是投了B版本一票,殊不合理.........
其他問題如器材的調較,配搭和環境的因素都對結果起了決定性的影響!
另外小弟想在這裡和大家分享一下當天活動前發生的一段小插曲........事緣當天應威總的要求和三洋兄早點到現場準備稍後要比試的CD,甫踏入會場,即發現後級擴音機仍未開動,KEF的工作人員說該機熱量很高,不想長時間開着不用云云..........Oh my God!我想咁未有排都冇靚聲,好彩時間尚早,石機煲它十零廿分鐘應該可以進入狀態了.........三洋兄見名器在前,已急及待把他的"三洋版"和"西德版"放進SACD player內播放!
誰不知聲音一出............嘩...好"濛"...好"聞"...好"暗"...好差....好難聽呀 ............. 三洋兄即時粒聲唔出,目無表情,抓晒頭,唔係化 我唯有安慰他話........係咁架,啱啱開機未run-in姐,遲D唔會咁架啦,不如我地分左D碟先,等陣再聽過啦,三洋兄才笑番吓 唔知係未D聲太屎,威總set-up好佢D嘢就冇眼睇出左去出面Social..........剩低我和三洋兄起度撈"粗"嘢.........
時間慢慢地過去,約半小時後聲音祇是有輕微改善.........仍然很"屎",其間我換了一些自己帶來試音的CD想順便試吓機,兼希望盡快幫器材warm-up番,但無奈衹有失望收場,再埋去看看D器材,心中滿是問號..............雖然今次在器材匹配上是有些前重後輕,但都不應這麼強差人意架........... 其後威總回來後見我倆擰頭擰髻,鞋口鞋面都知係咩事 ..............正當我地三個無精打彩捱緊衰聲的時候,KEF的陀地高人來了(可能是威總揾佢黎的 ), 他二話不說,聽了一陣又睇了機尾一陣.........突然手起線落,一手抆了一個插蘇頭出來,立時鴉雀無聲,我地都比佢嚇左一跳.........咁攪法,會唔會壞機架?
但高人氣定神閒,陰陰嘴笑 ............我地即刻問佢攪乜,係未燒機???
點知佢滋油淡定,先熄了所有器材的power,再插過一些電源線後便逐一從新開機...........嘩! 奇蹟來了,聲音豁然開朗,回復正常
我立即問高人變了甚麽戲法,令聲音化腐朽為神奇?{:9_419:} 佢話可能之前有同事更換部份器材後不小心地把幾條電源線插進濾波拖板上而引致聲音混濁不清,當進來時聽到D咁差嘅聲都好奇怪,於是便到後面看看才知發生咩事..............
當高人走後,大家都如釋重負,安樂晒,繼續聽歌! 三洋兄立刻再拿出他的"三洋寶碟"大播特播............大家都聽過不亦樂乎!
各位師兄睇完之後,可有任何啟示呢..............{:9_407:}   |
[複製鏈接]
發表於 2012-8-31 15:30
樓主
