請 7.1 用家俾意見

samson2948

5.1啦..  7.1聲會好亂

大佬John

九十年代果時D 5.1 MIX 入面Surround既音場係Mixed for 七點半同四點半方向
如果就咁將兩隻surround放較前係好唔合理....
不過果陣時既戲院都係左右一排Speakers, 向後伸延到後腦中線位, 即係"L"型同"」"咁包住觀眾, 目的係要令左(右)邊既Speakers同後腦兩組speakers做成焦點, 令到音場整體保持返七點半同四點半方向。

到有6.1時侯o係Studio已經只將左右邊聲音定義為戲院環境中 左右兩排Speakers, 所以係冇好硬性咁要o係耳後位置, Ideal黎講係同耳仔"一"字line up, 但前少少後少少係冇差的.

至於用Pro logic II處理5.1信號出現既問題, 其實就算用正確setup將Surround L/R speakers同耳仔"一"字Lineup都會有前面講果種問題, 因為個Processor只係將surround channel既in-phrase信號抽出來feed去surround back(s), 但係前面提到果時既surround音場係定義o係七點半同4點半方向, 所以如果淨係一邊surround 有信號出聲, 而呢D信號又唔會Matrix去Surround back, 原本intended for 7:30、4:30點方向既聲音變左o係3:00同9:00, 就會唔合理.....又但部AMP應該仲有一個non-matrix mode, 就係將Surround信號就咁分叉去Surround back, 效果就好似90年代戲院"L"型同"」"咁包住一樣, 左(右)邊Speakers同Surround back既信號係一樣, 可以有焦點做返7:30、4:30音場。所以我本身有Surround L/R o係耳兩邊一字lineup, 睇5.1片都唔用Prologic既matrix電路, 因為除以上所講, 仲有另一個問題轉頭再打

chhanthony

我緊係試過,先會敢講
後置喇叭前過皇帝位,出來的聲音根本唔合理
明明D聲應該係後面，現在就前左出來
再講聲音根本無軌跡可言
唔信！你自己再試清楚D
（或者走去有正確擺位的地方，你唔介意我請你上我屋企試都重得） ...
manson 發表於 2009-5-21 20:33

可以拎隻Hi Vi Cast 試下直機打圈飛果一段試下

chhanthony

九十年代果時D 5.1 MIX 入面Surround既音場係Mixed for 七點半同四點半方向
如果就咁將兩隻surround放較前係好唔合理....
不過果陣時既戲院都係左右一排Speakers, 向後伸延到後腦中線位, 即係"L"型同"」"咁包住觀眾, ...
大佬John 發表於 2009-5-21 21:25

學到O野

大佬John

原來咁夜, 幾隻字打晒佢喇, 其實以前講過
90年代D 5.1戲, 有時Surround兩邊既聲音係互相out-phrase, 目的拎到佢定位唔清
所以大家知經prologic matrix之後, 左邊信號去左邊, 右邊去右邊, 左右相同in-phrase就去中間, 咁左右out-phrase既呢? 會完全唔見左架. . 到有ex/ex 6.1信號部amp先可以正確咁分配呢D out-phrase既 surround 信號(見THX測試碟相位test)

chhanthony

你都可以拎隻蜘蛛侠3試下
manson 發表於 2009-5-21 21:46

兩隻我都有試過, 7.1對我無問題, 好連貫, 因為我係長方形廳

vchai

我都知 5.1 喺我個環境係極限，不過想睇吓有無一啲意相不到嘅毒藥，原來大家唔會為咗放毒而落葯你哋買在太好啦

唉！我都知剩番嗰兩隻應該擺則面而唔係後面，可借一邊係飯廳，樓底又唔係高，零零舍舍吊一個落嚟好核突，兼且唔好睇睇怕唔換屋都唔使諗，仲有無錢換屋

大佬John

有時呢吊鬼野, 係creative decision 多於science/logic
1996年Dragonheart, DTS demo碟中有呢段, 主要係聽條龍打圈飛, 呢套戲我睇左百九幾次
請用90年代戲院setup黎諗以下畫面
圖一: 條龍由中間飛去右邊, 出鏡後, D聲就去左surround right

圖二:條龍會由呢個位置飛出鏡, 接住圖三再入鏡

由圖二條龍出鏡之後, D聲就去左Surround right, 再入鏡, 竟然係出現o係鏡頭前面, 但係聲音係由surround發出...

以90年代戲院Surround 係└ ┘ 形咁包住觀眾黎講, 唔會有問題, 因為D聲究竟係由2:00、5:00、8:00定10:00方向來..都係好含糊, 6/7.1 setting中 non-matrix也可以做到呢個效果

圖三, 另一個鏡頭, 聲音由Surround left發出, 而人物對眼就好似望住戲院左邊牆咁


接住呢個仲吊桅
變型金剛...痾拍聞俾左舊cube細路, 同麥SIR打, Blackout既引擎聲o係左Surround出現.. 但係呢個畫面中, 左邊其實係痾拍聞打緊麥SIR, Blackout 係o係鏡頭條街既右邊(聲音卻仲係左Surround)

鏡頭180度掉轉, Blackout機頭插入鏡, 聲音先完全去到左Main.

IMO 其實以上呢D片, 只要Surround同前置交接得好, 點擺位setup都OK

chhanthony

我個廳都係長方形
感你試下１８：２5綠魔由右邊出現
當你聽到２點位有聲，綠魔在畫面出現左未?
現在問題係後置喇叭前過皇帝位，積２點同１０點
正常２點同１０點有聲,畫面就應該出現(智小都極接近)
如果你想試,我諗 ...
manson 發表於 2009-5-22 02:12

我對RLS係同皇帝位一字排開, 應該無問題



LSB位置都已修正

大佬John

講產片嘛. 我都有隻全職殺手, 有場敲門聲係左邊出鏡以外, D聲就由Surround left發出
但係我唔打算cap圖了, 因為個point唔係想研究Studio mix sound時係想你聽到D聲由八點定係十點方向來...用變型金剛個例子, 證明制作唔係好嚴緊咁決定音場定位, 實物明明o係右邊, D聲都夠膽由左邊發出, 相比起佢地做CG, 做Visual特技會現場拎個反光球出來決定光影反射等測量etc, Mix 聲效真係純綷創作多於絕對邏輯 (Surround sound for Music不在此限)

嚇得我以為依家D AMP無得用Non Matrix...
不過搵左幾份Denon Manual都有呢項, 注意AFDM set做off先可以toggle呢項

我自己個setup其實係咁, 原本Surround L/R係正常耳仔一字排開, 後面黑色係個琴, 有時我就咁坐o係果度睇戲... 想講係類似樓主既case背靠牆想玩6.1, 放前少少對surround L/R 會產生既問題有幾嚴重, 情況應該同戲院整幅牆都係Speakers類近, 或者有D鬼佬/豪宅有兩排以上既王帝位, 實有一排坐位會坐o係Surround L/R較後既位置情況類近, 情況唔容許之下既辦法, 未至於擺晒D喇叭去前面咁過份