吾憤氣，拎件小事上黎問下意見

zero981210

約好左個睇戲，我free左一日出黎比對方，對方當日先話前一晚去飲酒玩骰鐘，飲大左起吾到身所以失約黎吾到，我嬲佢吾尊重我同個約會，係我冇人情味?
對方覺得件事係意外預計吾到，吾覺得佢錯，仲話佢性格係咁，冇因為約我而特別hea，吾清楚佢性格就應該再考慮係咪做朋友
件事我有吾岩?

個人主觀碎碎念:
  係咪因為對方細我幾年，我就應該要忍讓同接受對方係一個會因為飲大而失約一個一星期前約好既約會既人，而如果我吾接受就係我吾岩，我應該去考慮仲有冇fd做?
吾係應該我指出佢既問題，一個對每個人都係咁吾尊重既問題，而佢去反省自己有冇錯，佢覺得有錯就去改善，佢覺得冇錯就同我繼續討論，吾係應該咁既咩?

我知係小事，但我好想知道，係我反應過大? 佢對方吾岩? 定係個世界已經變成咁，我要去適應佢習慣佢?

kalok6

其實一個咁唔珍惜同你既約會既人。。。。你覺得佢有當過你係朋友咩？

Raphael

一個人飲幾多酒，自己控制唔到，要當成係意外？定係根本無諗過要控制自己？
Ok! 就當係意外預計唔到。但意外而令人有損失，唔通就唔係錯？咁交通意外以後唔駛理邊個啱邊個錯啦。

事情係小事，但態度卻唔係小事。做朋友唔講態度，唔通講利益咩？
性格？？只顧自己作樂，妄顧他人既損失，唔應該用＂性格＂呢個咁中性既詞語，應該用＂衰格＂就差不多
即使佢對其他人都係咁，都唔可以將錯變成啱；咁只証明佢既衰格並非只用嚟對你，就此而已

錯又唔認，仲咁既態度..... 無賴至此，仲同佢做朋友的話，只可以話你太過易被人＂蝦＂

4pk

食得咸魚抵得喝,弟日約左人就飲早D散bend

我以前晚晚飲通顶咁製,朝早1樣準時返公{:9_412:}

ching你無錯架,十卜你

teddyng637

因為好多時, 係要互相遷就, 不能單一方向, 大家就會好辛苦就對方, 到時就會有爭拗........

sanyoboy33

師兄你冇錯！錯係你個fd

fuman0123

我都覺得你啱，不過你當佢朋友的話，俾多次機會佢囉，如佢再無珍惜就自己決定同唔同佢再做朋友啦

agic

相信一定系有好感既異性朋友
以前都有个爤飲衰玩女友，所以
陪佢去抬佢番然后邦佢除酒衫
跟住大戰两个中拉，吾系点平行
倒····
吾理楼主果位心靈朋友，定有小小
关系都千奇米被佢騎住，要主導，
主導吾到，快砍繿

阿定

話說旺角的戲院，日日都有一大推人排隊買飛睇戲，而戲院老馮頭兩行都有人會照買，因為呢個世界係有班人喜歡即興，佢地亦只能即興才能睇戲，因為佢地的生活無planning，今朝有酒今朝醉，今日唔知聽日事，而明顯你朋友就係呢類人，而你並唔係呢類人，做老死，可以同唔同類型的人，做朋友，就要揀生活類型一樣的人，咩叫酒肉朋友，就係睇戲食飯會約埋一齊的朋友，如果要交心，唔係唔得，又酒肉，又老死，當然可以，但發覺兩者不能兼得時，你就要考慮只交心，不玩樂了，我身邊有唔少兒時好友都同我夾唔到時間，大家會對方係老死，但好少會食飯睇戲，因為大家的生活作息並不一樣，特別去約好大機會最後都係去唔成！

如果對方係女，樓主都係算吧啦，你呢d明顯就係官音兵而己，浦友只會同浦友一齊才會快樂，想一個浦友變回正常人，唔係唔得，難d lor，不如花多d時間識下一個好過啦！
如果對方唔係女，做朋友的，約唔成無下次就可以，有水就吹，吃喝玩樂mark底呢個朋友只能即興，永遠唔好當真就可以了，就算佢同你講實邊日做d咩，都唔駛特別空出來，如果突然有其它人約你，打個電話比呢類朋友取消就可以，佢地唔會介意的，因為呢類人自己都係五時花六時變，又點會怪朋友提早通知來唔到呢！

RiceR9

我都曾經遇過類似既事....
件事係佢地錯...反過來好似要我妥協佢地咁...仲同人講係我問題(最關鍵既就無講)
識左十幾年都可以咁...我就諗..."朋友" 既定義係咩!? 或者佢"朋友"定義係咩!?
我自己就無再同佢地咬誰對誰錯...我做番我自己....做唔做朋友, 就睇佢識唔識得道歉!!
反正依個世界...無話無邊個唔得  所以....勞氣兩三日好啦....