資金流向問題

ilavbnm

C兄:首先要講句sorry先
由於該帖已被封所以我先再開帖回覆C兄

我o既意思係...資金不再流入某一行業...該行業自然式微
以往香港...製衣業/鐘錶業/電子業(當年穿梭機都有用MIHK電子零件)都算世界聞名
但係隨著資金北移...香港喱幾行都式微了

講返霸權超市問題
香港最初出現第一間所謂霸權超市o既時候(一開始唔係全港都有)
如果無人光顧...佢地真係可以好似今日咁...開到周圍都係?
問題的確係人為...但係一隻手掌拍唔響
如果無我地(消費者)去光顧...即係無資金流入的話又會點?
如果依家我地(消費者)唔再光顧超市...只會光顧雜貸舖(將光顧超市o既資金流入雜貸舖)
我可以肯定咁同C兄講...好快香港會出現好多雜貸舖...
我只係想講...好多時霸權係我地都間接有份做成...


P.S
我唔係針對C兄...只想吹o下水o者
如果此post引起C兄任何不悅...再次先行sorry
又或者版主覺得我此post有任何問題...請即時刪帖...小弟絕無怨言...

4pk

叮澢兄對市場策略都有研究

yankees

C兄:首先要講句sorry先
由於該帖已被封所以我先再開帖回覆C兄

我o既意思係...資金不再 ...
ilavbnm 發表於 2012-8-20 09:32

    超市霸權大財團擁大量資金進入市場經營已構成不公平競爭，早期超市用充裕資金跟代理訂貨有更多折扣用不公平傾銷手法打擊小型店鋪，而到現在當大多小型店鋪倒閉後現時變成標高價的超市壟斷市場，請去回憶依段香港歷史，唔好無知打大篇文章消費者唔去光顧雜貨店這些甚麼資金流入的無知供需市場

ilavbnm

超市霸權大財團擁大量資金進入市場經營已構成不公平競爭，早期超市用充裕資金跟代理訂貨有更多折扣用不公平傾銷手法打擊小型店鋪，而到現在當大多小型店鋪倒閉後現時變成標高價的超市壟斷市場，請去回憶依段香港歷史，唔好無知打大篇文章消費者唔去光顧雜貨店這些甚麼資金流入的無知供需市場yankees 發表於 2012-8-20 11:15

首先又要講多句sorry...因為我喱個post個標題可能唔太適當
以免C兄以為我針對你..所以我改一改....

其實C兄所言甚是...的確係有唔公平o既情況存在
喱點我從來無幫任何超市/集團講說話
我所指o既係消費者o既角色
當初大家唔係見超市較平/環境較舒適/貨品較齊全而改往光顧超市咩?
如果大家真係點都唔肯光顧超市...佢地點經營...又有咩關係?
平o既時候就話佢好...當市場改變而令佢地有機會加價就話佢衰
直接d講:就係起初貪平光顧超市...依家比人揸庄就話霸權
講到底...情況無變...有資金就有得生存
如果C兄覺得"自然定律"唔適合...我改一改.."現實就是這樣的"
任何人都可以不滿現實，但係又有幾多人可以改變現實?
我就自知無能力改變現實...所以我選擇適應...

P.S
我之前都有講過...我地都有份間接做成霸權...即係我都承認...我係幫凶...

keke323

叮噹兄果然有高見

4pk

首先又要講多句sorry...因為我喱個post個標題可能唔太適當
以免C兄以為我針對你..所以我改一改....{:1_24 ...
ilavbnm 發表於 2012-8-20 21:18

    系市場去主導消費者,我會覺得應該從市場變化中學習,從搵機會發展進歩,成日乜霸权物霸权,只會浪費光陰失去機會

ilavbnm

系市場去主導消費者,我會覺得應該從市場變化中學習,從搵機會發展進歩,成日乜霸权物霸权,只會浪費光 ...
4pk 發表於 2012-8-21 06:34

大佬即係大佬...一語中的...我講咁耐都唔及蘋果兄一句說話...

ilavbnm

叮噹兄果然有高見
keke323 發表於 2012-8-20 23:51

我喱d讀得書少o既人有咩高見可言...
我只係面對現實o者...

keke323

我喱d讀得書少o既人有咩高見可言...
我只係面對現實o者...
ilavbnm 發表於 2012-8-21 10:16

又玩低調

alanchu

其實e個係好正常 我之前o係澳洲sydney讀書
基本上每一個商場都係果幾間店舖
supermarket: coles/woolworth
game: eb games
hifi/電子野: jb hifi
電器: bing lee

但我又未聽過有人講咩咩霸權 係香港先有ed咁奇怪o既terms

地產 本身就係一個難加入既市場 如果以市場角度去睇 應該叫oligopoly 本身就有set價能力.............
叫政府大力去打擊等於破壞市場規律 不如加入共產主義咩都叫人定價la~