各位ching請小心爬頭~~!!

ykluk

今朝一早要落大埔開工, 因為有嘢要買需要去沙田走一轉, 當出吐露港大埔段後, 小弟當時以時速70行駛(因為前面大貨車都係行70), 隔離條快線有架師奶車行80(當時道路上限速100), 而小弟後面就有架chaser二話不說就即抽狂踩油起碼百二直上爬頭, 過咗幾秒, 咁小弟見左邊無車, 自然一抽就比油去到90諗住爬貨車頭~~!!

一爬完見到快線嗰架師奶車後面已有車龍, 其中隔3-4架車係一個警察私家車, 佢無啦啦閃晒燈好似想捉車咁, 小弟以為佢想追架chaser, 咪比少啲油等架警車可以過自己頭. 點知佢跟咗喺我後面一路閃~~!! {:9_433:} 小弟當時心諗, 自己又無超速又無越線, 無啦啦追我唔通我有門打開咗~~?? 後尾架警車過我頭就大叫:"MXXX88, 你快啲同我停車, 跟住我~~!!"

我地泊埋一邊, 我問佢我衰乜, 佢話我頭先喺高速公路cut左爬頭, 我即時嚇一嚇, 講真考筆試都應該係十幾廿年前既事, 真係唔知cut左爬頭係唔得, 況且小弟呢個動作都起碼做過幾百一千次, 次次渣車都見人係咁cut, 原來咁係違法~~~!!!

既然咁黑仔咁都中招無嘢講, 不過最火係我同差佬講, 我之前有幾架車都係咁, 點解你唔追其他, 有啲仲係超速. 佢話吐露港太多車佢見唔到, 我話我有video泊低比佢, 佢又話唔使睇.... 當時小弟心諗又趕住去沙田搞完嘢仲要返大埔做嘢, 同佢嘈嚟都多餘, 為免佢叫小弟"合法自殺", 唯有吞咗張告票就走人....

唔知各位ching知唔知有呢條"高速公路cut左爬頭"既違例呢~~?? {:9_419:}

fungl

今朝一早要落大埔開工, 因為有嘢要買需要去沙田走一轉, 當出吐露港大埔段後, 小弟當時以時速70行駛(因為前 ...
ykluk 發表於 8/8/2012 14:39

    吞咗張告票, too bad...  

roger0101

too bad~

mancity

快速公路只可向右爬頭
理論上你嘅左邊係冇車超越你，點解要咁樣做?因為快速公路車速快，往往聽到有對面行車綫嘅車飛越對面嘅意外，但如果所有車都靠左行駛（除了扒頭外）應當飛越對面綫的機會大減，就算發生大家靠左距離已將衝力減低，如果真的飛到埋嚟，可以向左扭呔，理論上左邊應冇車過頭，最多係平排理應已知道左面有車行駛。
  這是快速公路不准向左扒頭和靠左駛的精神！
有錯請指正!



- 發送自我的 iPhone 大板凳應用

ykluk

快速公路只可向右爬頭
理論上你嘅左邊係冇車超越你，點解要咁樣做?因為快速公路車速快，往往聽到有對面行車 ...
mancity 發表於 2012-8-8 15:19

小弟非常欣賞ching講解, 亦深信駕駛條例每一條都有佢出現既理由同原因, 我都覺得我違例要吞告票係正常~~!!
不過真係唔係今日中招都唔知有呢條例, 渣咁多年車見到過千次咁既情況, 只係小弟唔好彩中招鳥....

circleli

今朝一早要落大埔開工, 因為有嘢要買需要去沙田走一轉, 當出吐露港大埔段後, 小弟當時以時速70行駛(因為前 ...
ykluk 發表於 2012-8-8 14:39

    我經常係咁又冇事喎 建議你都係快啲換二奶好過

ykluk

我經常係咁又冇事喎  建議你都係快啲換二奶好過
circleli 發表於 2012-8-8 15:25

黑仔傑呢個名真係唔係吹出嚟架, 乜嘢奇事都會喺我身上發生....
不過我又唔會因為比警察black list而換車, 我買咩車係因為個人喜好, 如果因為政策係咁而改變自己, 咁做人有乜意思~~!! 我平時已經好守法, 呢樣都衰埋, 睇吓下次仲有咩會捉我....{:9_422:}

RiceR9

回復 1# ykluk


係有依條例...無辦法

jason1969

黑仔籮, too bad

RiceR9

我經常係咁又冇事喎  建議你都係快啲換二奶好過
circleli 發表於 2012-8-8 15:25

正確黎講...左邊係慢車行....右邊係快車行,
扒頭當然係快車扒慢車(我知係廢話)...所以一定係用右線扒頭!!
考筆試睇過意思係咁{:9_423:}

將軍你....{:9_422:}