一個冇股份係手既公司董事, 即係點?

lamtsai

其實成單野係咁既
我呢位朋友阿A係公司既創辦人, 而另外各持有50%股份既朋友阿B同阿A既媽媽只係幫佢手
但點知我發現阿A註冊公司果時, 佢竟然係完全冇持有股份, 於是就打電話話佢知咁樣唔多妥.

佢就立即打番去幫佢搞註冊既會計師度問, 跟住佢打番比我話會計師樓果邊答佢冇問題, 因為董事係決策人黎, 唔會比人食左間公司.
咁我就奇怪, 印象中如果係一個冇股份既董事, 咁同上市公司既CEO好似冇分別, 只要有超過一半股權既股東們隨時可以罷免佢職務.
所以覺得會計師樓果邊答佢既野唔多正確, 於是上黎向各師兄求証一下liljon852 發表於 2012-8-2 17:23

我有少少唔明:

依家股東B有50%股份
其他股入屬於邊個?

董事又係邊個?

其實你可以去公司註冊處查冊(十幾蚊)

P.S.提你一樣野,其實有一樣安排係可以做到,就係以NOMINEE形式搵人代你出任董事/股東,尤其係當你唔想被人知道你係XYZ公司的關係,你可以搵一個人(假設叫"阿茂")代你,查冊時係只會見到"阿茂"個大名,見唔到你呢個幕後股東/董事

liljon852

受薪董事係咪可以無股份?...
ilavbnm 發表於 2012-8-2 17:14

以我理解, 係

liljon852

我有少少唔明:

依家股東B有50%股份
其他股入屬於邊個?

董事又係邊個?

其實你可以去公司註冊處查冊(十 ...
lamtsai 發表於 2012-8-2 17:37

另外50%屬於佢阿媽 (即阿C)
情況係阿A想間公司係佢自己最大話晒事, 但點知又理解錯左以為冇股份係手都OK. 因此搞到宜家變左最大既唔係佢, 而係佢朋友阿B同佢自己阿媽

又學多樣野~唔該晒師兄!


不過突然諗起, 如果大吉利是佢阿媽失蹤左, 咁法律上係要失蹤超過7年先會當佢死亡, 呢個時候先可以申辦遺產. 咁係呢7年間, 咪變左佢朋友阿B係公司入面最大果個? 而佢只係"被委任"既董事, 但"委任"佢既股東又失左蹤, 真係唔知點搞

chhanthony

其實成單野係咁既
我呢位朋友阿A係公司既創辦人, 而另外各持有50%股份既朋友阿B同阿A既媽媽只係幫佢手
...
liljon852 發表於 2012-8-2 17:23

佢係隨時可以畀人踢走，如果無乜特別原因，都係攪清楚啲手續好啲

ilavbnm

另外50%屬於佢阿媽 (即阿C)
情況係阿A想間公司係佢自己最大話晒事, 但點知又理解錯左以為冇股份係手都OK. ...
liljon852 發表於 2012-8-2 17:42

好奇一問...點解創辦人會無股份?...幫手果個反而有50%股份?
係咪你朋友出概念...別人出資金?
如果係咁...即係人地打本比佢做生意...佢根本唔算係老細喎...

liljon852

佢係隨時可以畀人踢走，如果無乜特別原因，都係攪清楚啲手續好啲
chhanthony 發表於 2012-8-2 17:43

明白晒~~唔該晒師兄!
已經打電話叫佢去加股本

liljon852

好奇一問...點解創辦人會無股份?...幫手果個反而有50%股份?
係咪你朋友出概念...別人出資金?
如果係咁... ...
ilavbnm 發表於 2012-8-2 17:47

就係唔係, 連資金都係佢出大部份~哈哈
所以我睇到份註冊表格副本時都覺得好奇怪

不過如果假設呢間公司既股本得2蚊, 阿B同阿C一人一蚊股, 阿A都係冇股份, 咁情況係唔係依然一樣?

ilavbnm

就係唔係, 連資金都係佢出大部份~哈哈
所以我睇到份註冊表格副本時都覺得好奇怪
不過如果假設呢間公司既股本得2蚊, 阿B同阿C一人一蚊股, 阿A都係冇股份, 咁情況係唔係依然一樣?
liljon852 發表於 2012-8-2 17:48

變相即係佢自己送d股份比人...點解會攪成咁架?...
應該係...

lamtsai

就係唔係, 連資金都係佢出大部份~哈哈
所以我睇到份註冊表格副本時都覺得好奇怪

不過如果假設呢間公司既 ...
liljon852 發表於 2012-8-2 17:48

係,你投入的資金唔一定等於法律上的股本
假設你為呢間公司注入左1萬,就算你真係擁有2股股份其中1股,果$9,999只係當係你借俾公司(除非你有同公司訂立借款合約,否則一般來說,只會當成一筆無抵押借貸)

其實現有的公司法已經改左,有限公司係可以有單一股東同單一董事了(但係公司秘書(無實際權力但係每間香港成立的有限公司都要1個)要由另一個人出任)

樓華

其實成單野係咁既
我呢位朋友阿A係公司既創辦人, 而另外各持有50%股份既朋友阿B同阿A既媽媽只係幫佢手
...
liljon852 發表於 2012-8-2 17:23

    其實都冇問題。如果SHAREHOLDER只係持股，係，佢一定係公司老闆，但係決策唔係SHAREHOLDER做，決策係DIRECTOR，簽名係DIRECTOR (如M&A寫只係一個DIRECTOR簽名有效，SHAREHOLDER簽名都改變唔到決定)。基本上SHAREHOLDER可以成立左公司之後唔駛點簽名，因為已經將權力比左執董。另外，如果阿媽持有50%，阿B持有50%，假設阿B要用股東大會踢走阿A，阿B因為冇大比數，點都踼唔走，除非阿媽變節。另外，因阿A是董事，即使B或C不滿A的決定，B或C係冇能力推翻，原因他們不是執行決策者。2人只有合力於股東大會擺免A。