今日入手，OPPO 93。(小小聽歌報告)(加小小CA651報告)

tennishk · 發表於 2012-7-31 20:59

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 tennishk 於 2012-8-1 00:22 編輯

因為早前買了部3D電視，要買部3D籃光BLURAY機，但係個櫃已經冇晒位擺，權衡輕重之下，最後賣左部YAMAHA C-1000 CD機，諗住買部BDP聽埋歌，上網睇了好多評論，最後二選一，OPPO 93與CAMBRIDGE 651，兩部機既硬件完全雙同，只係調效唔同，講到聽歌既用CAMBRIDGE 651應該冇死。

上個月買了部CAMBRIDGE 651 3D籃光BLURAY機，聲畫唔駛講，表現非常之好，因為我之前用SONY 350，睇頭文字D尾段三部車鬥，(其中一段由遠鏡到近鏡影三部車經過，喇叭聲效由前右置再後右置跟住左後置再走返去左前置)，SONY 350只係感覺到後置喇叭有聲經過，但用CA651睇同一段，會感覺到後置喇叭出既聲細致好多同猛好多，聽多左野，同埋包圍感強烈好多，畫面更加唔駛講，靚過SONY 350好多。

到聽歌啦，CAMBRIDGE 651聽歌音樂感非常豐富，聽人聲的空間感非常不錯，但一聽陳潔麗時就出事了！差不多每次唱到高音尾時就有拆聲現象！我會用(尖酸刻薄)形容佢都不為過！但聽男聲如夏韶聲就非常恰到好處，樂器也不錯，盡量小聽陳潔麗啦！

當然不能不提，我用部合拼機係YAMAHA A-1000，本身已是薄聲底，會否因為這原因另佢拆聲就不得而知了！(我已經用QUAD 12L前置喇叭)

講咁耐，到OPPO 93出場啦，因為時間關系，畫面和睇戲報告遲些後補，我最關心既聽歌會否有CA651同樣情況，結果係，聽陳潔麗完全沒有問題，再大聲些小都唔會拆聲，音樂感，沒有！人聲空間感！沒有！如果兩部機比較，用CA651聽夏韶聲會好享受，明顯好過OPPO 93，但聽陳潔麗會好擔心，因為每次到高音時就唔知跟住會唔會拆聲！

外觀比較，我覺得CA651靚仔好多。(但個REMOTE就OPPO 93靚仔D)
開機時間比較，OPPO 93快好多，CA651唔快得我部SONY 350幾多！

如果以聽歌比較，我會用OPPO93形容為一個普通人，沒有什麼特別，但不會行差踏錯。
而CA651是一個練武中入但未滿師！可能今天另你有驚賣，但明天會嚇死你。

最後一提，我部OPPO 93係剛剛入手，可能聽多十幾個鐘會表現好些小既。

以上全部是我個人主觀意見，如有講錯請見諒。
最後，CA651拆聲問題可能是我的器材問題，如果用線可能有得補救，但我懶得搞，賣了算數！
我部CAMBRIDGE 651入手價$4600，剛剛以$4000賣了，而OPPO 93入手價$4300，即係以$4900玩過晒兩部機，我覺得都唔錯呀。