五星物語 Volks SAV Bang Doll 破烈の人形 破裂人偶 進度

j.w

大佬John 發表於 2013-4-17 02:22
諗住執乾淨個底, 督督下穿左...

大佬John

原本今晚可以噴少少, 不過唔記得洗樽, 所以只係有時間溝油



加左少少綠色落去白色度, 右邊係溝後, 實物會覺DD
少少黑色等隻白色冇咁刺眼


之後溝紫


三隻灰色, 因為唔覺意加多左白色或黑色, 反正都要用幾隻shades, 分開三樽

大佬John

對下色, 聽日去配兩粒quick disconnet就開始噴...
白色加綠, 不過冇膠件果隻咁誇張

大佬John

買左, $45, 但係勁漏氣, 我諗冇理由會就咁一個銅圈用彈簧頂住就做到氣密, 中間一定有O-ring... 咁o岩我有一粒size o岩o岩fit, 得左, 正常Auto-cut


另外換左水隔個2分轉1分頭, 舊果個因為內徑唔o岩, 自已刨鬆, 又係漏氣, 換返個o岩既。仲有D喉果D O-Ring都裂晒, o係D舊噴筆度通常有D 6mm轉插頭, 上高D O-ring可以拎來換

大佬John

實際試色, 仲未渣定主意, 深色位就o岩心水, 溝淺果隻灰睇落偏藍(腰側、脊骨), 下次加啡色再試
有D窄位因為氣壓冇上到色, 平時砌高達唔會有呢D窄位所以未試過有呢D問題, 下次修正

j.w

加油加油

大佬John

free hand冇masking試下噴兩隻灰色, 噴係噴到, 不過淺色果隻色唔o岩, 下次重做


搵左幾件唔駛mask其他色既白色同紫色件來噴, 等個製作過程冇咁悶, 順便實際試色。相機完全影唔到隻顏色, 不過到我完成晒就會去借部好D既機來影。

Gaia 油, 我真係用唔掂, 呢度白色同紫色有好大部份都係Gaia白, 噴完晒影相時仲軟軟地黐黐地。從膊頭果兩塊葉睇到, 仲見到底灰色, 可是我已經六, 七回塗, 可能係我開得勁稀。手腕果兩塊, 見唔見有綠色? 噴得好厚先出來


用背後白色盒測white balance, 用純白比較下, 希望你睇到綠色tone

大佬John

已經洗油, 跟住試下出怪招, 用Mr. White surfacer溝多D綠(左)用作打底。
理由係實物用肉眼睇, 會見到面層色綠色tone(來自主色), 但係如果用純白底, 影相容易睇到底色, 咁樣就會變左冇偏綠色, 似純白...所以底色誇張D加多D綠
結果(假想) 用肉眼睇實物, 會見到面層色, 影相時就算見到少少底色, 都唔會影響我想要果種效果, 就算有D位摭唔晒, 都可以當光影效果



噴左DD, 聽日先噴白色, 呢隻只係底色來咋, 注意唔好誤會
如果聽日噴白色都係唔理想, 我就掉佢落街


水隔隔左好多水, 換著係以前setup, 一早噴水了

大佬John

今日晨咁早, 我老頭o係廳度扑野嘈醒左我之後訓唔到, D友仔退左休冇咩世藝就鍾意閒時o係屋企搵D明明冇壞好地地既野出來整...
好眼訓, 出面又落完雨, 唔敢噴大面積白色, 淨係試左少少色同. .射眼...
條腰之前噴左兩行淺灰, 因為偏藍色(中間背景), 加左D啡色再噴過(左)
眼珠係瑩光綠+透明藍, 瞳孔係紅色再噴Smoke, 不過睇落都係黑色... 遲D可能劃一點高光

大佬John

再劃過, 唔用噴, 綠色同瞳孔都加高光, 請無視周圍果D核突野, 今晚噴埋眼肚灰色睇下如何
一路dup低頭劃一路流鼻水打乞嚏真係好乞人憎, 間唔鐘仲有隻蟻o係檯面行過, 次次想捽死佢就走入去keyboard下面


再改, 唔要深紅, 換深綠, 唔劃果一點了, 冇射哩喇掛
淺錄位不變
打乞嚏斷左條鞭, 要剪左再駁
下巴摸摸下好似越來越圓, 切左再尖返, 呢度睇左邊下巴(相既右邊)好似唔利, 係塊膠既毛邊來, 一撥就甩