初試Inakustik LS-603，感覺驚艷………

jt24

六師兄終於DIY完成咗佢嗰條Inakustik LS-603，即刻叫佢畀小弟試吓，小弟從未試過Inakustik嘅線材，今次有幸幫六師兄條603開苞，真係開心囉！

當我攞咗佢返屋企就立即將佢接上我部雞雞Primare A20同ProAc Tablette 50 signature度，開機一試，第一個感覺真係唔係咁特別..................可能條線真係太新啦！所以聽咗幾隻歌就關機，符合咗我期望唔高嘅結果..........................！

今日樓上整日都裝修鑽嘢，搞到我都冇心情試聽，但係都開著部機教細聲等佢煲吓條線，等樓上停工之後，我就攞我平時聽慣嘅幾隻碟再試聽吓.................嘩.......................不得了，好似誇咗少少， 感覺真係同噚日大大不同，高音做得好突出，但又唔會太尖，聽Maurizio Colonna嘅Stairway To Heaven好清晰兼好有震動心弦嘅感覺；人聲好豐厚，聽夏生嘅歌就有明顯嘅感覺；低音雄渾有力，鼓聲好實淨，最重要係空間感好強，定位好準，喺聽現場錄音嘅Eagles Hell Freezes Over，現場感嚟得好強烈，層次非常明顯，連聽Klazz Brothers & Cuba Percussion嘅管弦樂大棚嘢都做到樂器擺位位置清晰可見嘅感覺。真係冇諗過呢條線只係煲咗幾粒鐘就有咁嘅表現，實在有D驚訝！如果再煲多幾十粒鐘就一定唔只咁喇，相信再經幾位師兄試完之後，送返畀六師兄嘅LS-603肯定已經進入極佳狀態囉！

整體感覺呢條LS-603，分析力好高，空間感好強，呢樣係我最鍾意嘅！低音喺我對唔係幾夠力嘅書架喇叭都能夠做到雄渾有力，搞到我都有少少唔想掹番佢出嚟添！真係諗吓叫六師兄幫我整番條.......................哈哈哈.........................！

(後話：本來冇諗過寫試聽感受，因為真係唔識寫，但聽完又想同大家分享吓，以上只係個人感覺，大家如有唔認同嘅，請多多包涵，希望之後試玩呢條線嘅其他師兄再補充啦！)

waterman

排隊

sunny

專業大師級報告

jt24

專業大師級報告
sunny 發表於 2012-6-27 20:38

你咁講真係笑死好多76嘅真正大師呀！咪玩我啦！

4pk

大師級{:9_428:}

jt24

大師級
4pk 發表於 2012-6-27 20:40

你都話誇呢............................蘋果大師...........

RiceR9

回復 1# jt24


    原來收埋咁多好野，唔怪之得唔比我地上你度學野{:9_422:}

jt24

回復  jt24


    原來收埋咁多好野，唔怪之得唔比我地上你度學野
RiceR9 發表於 2012-6-27 20:42

我係左抄抄....右抄抄咁至寫到幾隻字咋！

minimoai

回復 1# jt24


    等您

jt24

回復  jt24


    等您
minimoai 發表於 2012-6-27 20:44

你試完身痕想整番條，記得通知聲喎！睇吓邊度有平貨幫我執多條...........